ခိုးယူ နိုင်ငံကူးလက်မှတ်နဲ့ ခရီးသည် နှစ်ဦး ပျောက်ဆုံး (မလေးရှား သတင်းများ)

ပျောက်ဆုံးနေတဲ့ မလေးရှား လေယာဉ်ပေါ် ပါသွားတဲ့ ခရီးသည်တွေရဲ့ ဆွေမျိုးများ ဘေဂျင်း လေဆိပ်မှာ တွေ့ရစဉ်။ (မတ်လ ၈၊ ၂၀၁၄)

(မတ်လ ၈၊ ၂၀၁၄) ပျောက်ဆုံးနေတဲ့ လေယာဉ်ပေါ်မှာ လိုက်ပါသွားတဲ့ ခရီးသည်နှစ်ဦးဟာ အခိုးခံရတဲ့  နိုင်င်ငံကူးလက်မှတ် ကိုင်ဆောင်ထားသူတွေ ဖြစ်နေတယ်လို့ တာဝန်ခံ အရာရှိတွေက ပြောပါတယ်။ 

 လေယာဉ်ပေါ်မှာ ခရီးသည် ၂၃၉ ဦးလိုက်ပါ သွားတာဖြစ်ပြီး လေယာဉ်ခရီးစဉ်နဲ့လိုက်ပါဖို့ စာရင်းပေးထားတဲ့ အီတလီနိုင်ငံသားတစ်ဦးနဲ့ သြစတြီးယားနိုင်ငံသားတစ်ဦးတို့ဟာ မလေးရှားနိုင်ငံ၊ ကွာလာလာမ်ပူကနေ တရုတ်နိုင်ငံ၊ ဘေဂျင်းပျံသန်းမယ့်လေယာဉ်ပေါ်မှာ ပါမသွားခဲ့ပါဘူး။ 

သူတို့နှစ်ဦးစလုံးရဲ့ နိုင်ငံကူးလက်မှတ်တွေဟာ ပြီးခဲ့တဲ့နှစ်နှစ် ကတည်းက ထိုင်းနိုင်ငံမှာ အခိုးခံခဲ့ရတာ ဖြစ်ပါတယ်။ သူတို့ရဲ့ စာရွက် စာတန်းတွေကို ခိုးယူပြီး လေယာဉ် ပေါ်လိုက်ပါသွားသူနှ စ်ဦးကတော့ ဘယ်သူတွေဆိုတာ အခုထိ မသိရသေးပါဘူး။ လေယာဉ်ပျံ မတော်တဆ တစ်ခုခုဖြစ်ပြီး ပျောက်ဆုံးနေတယ်လို့ သတ်မှတ်ပြီး ဆက်လက် ရှာဖွေနေပါတယ်လို့ အမေရိကန်အရာရှိတွေက ပြောပေမယ့် မလေးရှား အာဏာပိုင်တွေကတော့ ဘာမှ ထုတ်မပြောသေးပါဘူး။ 

ဗီယက်နမ်ကယ်ဆယ်ရေးအဖွဲ့ လေယာဉ်မှူးတွေကတော့ နိုင်ငံအရှေ့တောင်ဘက် ကမ်းရိုးတန်းဒေသမှာ ဆီတွေယိုဖိတ် ပျံ့နှံ့နေတဲ့ အကွက်ကြီးနှစ်ကွက်ကို တွေ့ရပေမယ့် အပျက်အစီးအစအန တစုံတရာတော့ မတွေ့ရသေးဘူးလို့ ဆိုပါတယ်။ ဒီပျောက်ဆုံးလေယာဉ်ကို တရုတ်၊ ဖိလစ်ပိုင်နဲ့ အမေရိကန်ပြည်ထောင်စုတို့က ရေကြောင်း ကရော လေကြောင်းကပါ ဝိုင်းဝန်းပြီး ရှာဖွေပေးနေကြတာပါ။ 

မလေးရှား လေကြောင်း ခရီးစဉ်အမှတ် MH ၃၇၀ ဟာ ကွာလာလာမ်ပူကနေ ဘေဂျင်းသွားဖို့အတွက် စတင်ပျံသန်းအပြီး နာရီပိုင်းလောက်မှာပဲ ရေဒါစက်ကွင်းပေါ်ကနေ ပျောက်ကွယ်သွားတာပါ။ လိုက်ပါသွားတဲ့ ခရီးသည်အများစုက တရုတ်နိုင်ငံ သားတွေ ဖြစ်ပါတယ်။ ဒီလေယာဉ် မပျောက်ကွယ်ခင်အထိ အကူအညီ တောင်းတာမျိုး အဆက် အသွယ်မရခဲ့ပါဘူးလို့ လေယာဉ်လမ်းကြောင်း ထိန်းသိမ်းရေး အရာရှိတွေက ပြောပါတယ်။ 

Credit - http://burmese.voanews.com/ 

နေဇော်လင်း

 Admin 

Nay Zaw Lin1 

Free Online Radio Media (Malaysia) 

Website - www.malaysiaonlineradiomedia.com 

Facebook - https://www.facebook.com/nay.zawlin1