သင်္ကြန်ကာလ ရုံးပိတ်ရက်အတွင်း နယ်ပြန်မည့်သူများအနေဖြင့် ကားလက်မှတ် ကြိုတင်ဝယ်ယူရာ၌ တန်းစီစနစ်ဖြင့် စောင့်ဆိုင်းဝယ်ယူ နေရသည်အထိ များပြားနေကြောင်း သိရှိရသည်။
အလားတူသင်္ကြန်ကာလအတွင်း ရက်ရှည်ရုံးပိတ်ရက်အတွင်း နယ်ပြန်မည့်သူများနှင့် ခရီးထွက်မည့်သူ များပြားနေသောကြောင့် ယခင်နှစ်များ ထက်စော၍ ကားလက်မှတ်ကြိုတင်မှာယူမှု များပြားနေကြောင်း အဝေးပြေး ယာဉ်လိုင်းများထံမှ သိရှိရသည်။
အောင်လံမြို့သို့ ပြန်ရန် ကားလက်မှတ် ကြိုတင်မှာယူနေသူတစ်ဦးက “သင်္ကြန်ကျရင် အိမ်ကိုပြန်ဖို့အတွက် ကားလက်မှတ်ကို ရက်ကြိုကတည်းက မှာထားတာပါ။ အရင်နှစ်တွေက ကိုယ်တိုင် သွားမ၀ယ်နိုင်ရင်တောင် ဖုန်းနဲ့လှမ်းမှာထားလို့ ရတယ်။ ဒီနှစ်ကျတော့ ကိုယ်တိုင်လာမှ ရမယ်ဆိုလို့ ဧပြီ ၁၁ ရက်နေ့ ပြန်ဖို့အတွက် ၁ရက်နေ့က အောင်မင်္ဂလာမှာ လက်မှတ်သွားဝယ်တာ လူတွေများလွန်းလို့ တန်းစီပြီးစောင့်ဝယ်ခဲ့ရတယ်” ဟုလည်း ပြောပြခဲ့သည်။
ရန်ကုန်-ပြည် အဝေးပြေးယာဉ်လိုင်းတစ်ခုမှ တာဝန်ရှိသူတစ်ဦးကလည်း “ကျွန်တော်တို့ ယာဉ်လိုင်းတွေက လက်မှတ်ကို ရက်ကြိုကတည်းက ရောင်းကြပါတယ်။ ဒီနှစ်က ပြန်တဲ့သူများနေတယ်။ လက်ရှိရောင်းနေတာ ကတော့ သင်္ကြန်အကြိုမတိုင်ခင် တစ်ရက်အလိုအထိပဲ ရောင်းပါသေးတယ်။ ကျန်တာကိုတော့ နောက်ရက်မှ ကြိုတင်လက်မှတ် ထပ်ရောင်းသွားမှာပါ”ဟုလည်း ပြောကြားခဲ့သည်။
အချို့ယာဉ်လိုင်းများတွင် ကားလက်မှတ် ကြိုတင်မှာယူမှုများအတွက် မတ်လ ၂၀ ရက်မှစတင်၍ လည်းကောင်း၊ အချို့ယာဉ်လိုင်းများတွင် မတ်လ ၂၅ ရက်နေ့ကလည်းကောင်း စတင်ရောင်းချခဲ့ကြောင်းလည်း သိရှိရသည်။
“ကျွန်တော်တို့ ယာဉ်လိုင်းမှာ ၂၀ရက်နေ့ကတည်းက ကြိုတင်မှာယူတဲ့ လက်မှတ်တွေကို ရောင်းချခဲ့တာပါ။ ဒီနှစ်က နယ်ပြန်တဲ့သူရော မိသားစုလိုက် ခရီးထွက်တဲ့သူရော များတဲ့အတွက် လက်မှတ်က ၇ ရက်၊ ၈ ရက်၊ ၉ ရက်နဲ့ ၁၀ ရက်နေ့တွေအတွက် လက်မှတ်က ကုန်သွားပါပြီ။ လက်ရှိမှာ ၁၁ရက်နေ့အတွက် နည်းနည်းပဲ ကျန်ပါတော့တယ်။ တောင်ကြီးလမ်းမှာလည်း လက်မှတ်တွေ ကုန်သွားပြီ။ ကျန်တာကတော့ သင်္ကြန်တွင်း ဖြစ်သွားပြီလေ”ဟုလည်း ပြည်တွင်း ခရီးသည်ပို့ဆောင်ရေးလုပ်ငန်းမှ တာဝန်ရှိသူတစ်ဦးက ပြောကြားခဲ့သည်။
သင်္ကြန်ကာလ ရုံးပိတ်ရက်သည် သင်္ကြန်အကြိုနေ့ မတိုင်ခင် တစ်ရက်နေ့မှ စတင်သောကြောင့် ယခုနှစ်အတွက် သင်္ကြန်ကာလရုံးပိတ်ရက်မှာ ၂၀၁၂ ခုနှစ် ဧပြီလ ၁၁ ရက်နေ့မှ ၂၀ ရက်နေ့အထိ ဖြစ်ကြောင်း၊ သို့ သော်လည်း ၂၁ ရက်၊ ၂၂ ရက်နေ့များသည် စနေ၊ တနင်္ဂနွေနေ့များ ဖြစ်နေသောကြောင့် ယခုနှစ် သင်္ကြန်ကာလ ရုံးပိတ်ရက်သည် ဧပြီလ ၁၁ ရက် နေ့မှ ၂၂ ရက်နေ့အထိ စုစုပေါင်း၁၂ ရက် ဖြစ်ကြောင်းလည်း သိရှိရသည်။
.jpg)
0 comments:
Post a Comment