မလေးရှားသို့ တစ်ခေါက် တစ်ခါ (၄)

မလေးရှားရောက် မြန်မာတစ်ယောက် အညတရတစ်ယောက်ရဲ့ အတွေ့အကြုံများ

မလေးရှားသို့ တစ်ခေါက်တစ်ခါ (၄)

ဒီလိုနဲ့ မလေးရောက်ပြီး အပျော်ခရီး ထွက်လာသူ တစ်ယောက်လို လျှောက်လည်နေတဲ့ ရက်တွေ တစ်ပတ်ပြည့်ခါနီးမှာတော့ အလုပ်စဝင်နိုင်ဖို့ ပြင်ရပါတော့တယ်။ ကိုယ့်ကို အလုပ်ဝိုင်းရှာပေးနေသူများက အလုပ်မျိုးစုံ ညွှန်းနေကြတဲ့ အထဲမှာ မဲအများဆုံးက ပိုက်ဆံရလွယ်၊ လစာကောင်း၊ လူသက်သာတယ်ဆိုတဲ့ Game ဆိုင်အလုပ်ကို ဝိုင်းညွှန်းကြပါတယ်။ ကိုယ်ကတော့ ပိုက်ဆံ (လစာ) အမြန်ဆုံး ရလိုသူဆိုတော့ ဘယ်အလုပ် ရရဖြစ်တယ်လို့ ပြောထားတာပါ။

ဒါနဲ့ သူတို့ပြောတဲ့ Game ဆိုင်လောကမှာ နှစ်ကာလအတော်ကြာ အလုပ်လုပ်နေတဲ့ မိတ်ဆွေတစ်ယောက်က အာမခံပေးလို့ သူဌေးရဲ့ လူယူံ Supervisor ဆိုသူနဲ့ ဒီနေ့ တွေ့ရမယ်လို့ ဆိုလာပါတယ်။ ဒီမှာ တစ်ခုပြောစရာ ရှိတာက ကျွန်တော်က မလေးမလာခင်မှာ မလေးစကားကို စာအုပ်တွေ၊ တိပ်ခွေတွေနဲ့ ကြိုတင်လေ့လာ ထားသေးသဗျ။ အဲ..အထင်တော့မကြီးပါနဲ့ ဆရာနဲ့ သင်ထားတာလည်း မဟုတ်လေတော့ တစ်ကယ်အဖြစ် မပြောနိုင်သေးပေမယ့် တစ် နှစ် သုံး လေး ငါး၊ နှတ်ဆက်တာနဲ့ ကျေးဇူးတင်လောက်တော့ ရသဗျ။ ဒါပေမယ့် မလေးလိုအတော်အတင့် မပြောနိုင်သေးလို့ အလုပ်လုပ်မယ့်နေရာ တော်တော်ရွှေးပေးထားရတာလို့ အလုပ်ရှာပေးသူ မိတ်ဆွေက ဆိုပါတယ်။ သူပြောတာက အခုလုပ်ရမယ့်နေရာက တရုတ်ကုမ္ပဏီတွေများတဲ့ နေရာမှာရှိတဲ့ Game ဆိုင်မှာ ပြောထားပေးတာလို့ ဆိုပါတယ်။ (တရုတ်ကုမ္ပဏီတွေ ဆိုတော့ E လိုပြောလို့ရတယ်လို့ ဆိုပါတယ်)။ မလေးမှာက မလေးနိုင်ငံသား တရုတ်လူမျိုးတွေက အများကြီးပါ။

မိတ်ဆွေက လိုက်ပို့လို့ အဲဒီနေရာရောက်သွားတော့ Supervisor ဆိုတဲ့ တရုတ်နဲ့ တွေ့ပေးပါတယ်။ သူက ကျွန်တော်ကို ဟိုမေးဒီမေးလုပ်ပြီး လစာ မလေးငွေ ( ၈၀၀)၊ အဲဒီဂိမ်းဆိုင်မှာ နေရမယ် လို့ပြောပြီး ကျွန်တော် Passport ကိုသိမ်းပါတယ်။ Passport ကို သိမ်းတယ်ဆိုတာက ငွေနဲ့ အလုပ်လုပ်ရမယ့် နေရာဖြစ်လို့ လစ်မပြေးအောင် သိမ်းတာပါ။ တစ်ကယ်က ဒီလို အလုပ်ကို လုပ်တဲ့ သူတွေက ကိုယ့် passport အစစ်ကို မပေးကြပဲ အတုကိုပေးထားကြတယ်။ ကျွန်တော်က ဘုမသိဘမသိနဲ့ (အတွေ့အကြုံလည်း မရှိသေးတော့) ကိုယ့်စာအုပ် အစစ်ကို ပေးလိုက်မိတာပါ။ (ဒီအကြောင်း နောက်ဆက်ရေးပါမယ်။) မလေးငွေ ၃ကျပ်ကျော် ဟာ တစ်ဒေါ်လာနဲ့ ညီနေတဲ့ အချိန်ဆိုတော့ မဆိုးဘူးလို့လည်း ကိုယ်ဘာသာကိုယ် တွက်လိုက်ပါတယ်။ မလေးရောက်တာ မကြာသေးတဲ့ အချိန်၊ ဒီမှာ ဘာအလုပ် အတွေ့အကြုံမှလည်း မရှိသေးလေတော့ ဒီလစာကို ကျေနပ်ပါတယ်လေ။

ဒါနဲ့ အလုပ်ခန့်တယ်ဆိုတော့ ငါ့ပစ္စည်းတွေ သွားယူပြီး အလုပ်ဝင်မယ်လို့ ပြောကာ ပစ္စည်းတွေ ပြန်သွားယူ၇ပါတယ်။ မိတ်ဆွေတွေက သူတို့ရဲ့ ဖုန်းနံပါတ်တွေ မှတ်ထားဖို့နဲ့ လိုရင် ဆက်ဖို့ မှာရှာပါတယ်။ အလုပ်လုပ်မယ့် ဆိုင်ရောက်တော့ အဲဒီမှာ ကိုယ့်အရင်ရောက်ကာ အလုပ်လုပ်နေတဲ့ မြန်မာနှစ်ယောက်နဲ့ မိတ်ဆက်ပေးပါတယ်။ တစ်ယောက်က ကိုရောဘတ်၊ နောက်တစ်ရောက်က ကိုဂျက်ပါ။ အဲဒီမှာ မြန်မာတွေက ခေါ်ရလွယ်အောင် အင်္ဂလိပ်အမည်တွေ ပေးထားကြပါတယ်။

ကျွန်တော်ကိုတော့ ဒေးဗစ်လို့ ခေါ်ပါတယ်။ အဲဒီမှာ မြန်မာ ၃ယောက်ရယ် (ကျွန်တော်အပါအဝင်)၊ “အ”မ ၃ယောက် (အင်ဒိုနီးရှား) ရယ် အလုပ်လုပ် ရပါတယ်။ ၃ ဆိုင်း တစ်ဆိုင်းကို ၈ နာရီ လုပ်ရပါတယ်။ ကျွန်တော်စဝင်ရတဲ့ အဆိုင်းက ညဆိုင်းမှာ ဆိုတော့ ည ၉နာရီကနေ မနက်ခင်း ၅ နာရီ အထိပါ။ ကျွန်တော်ကံကောင်းတာက ရှေ့ကလုပ်နေနှင့်တဲ့ မြန်မာနှစ်ယောက်က တော်တော်ကို ကူညီကြပါတယ်။ အလုပ်ခွင်ပညာတွေ ဆရာစားမချန် သင်ပြပေးကြ ပါတယ်။ လုပ်ရတာက ကျွန်တော်တို့ ရွှေ သုံးယောက်က Cashier ၊ အ မ၃ယောက်က အကူ ၊ နှစ်ယောက်တစ်တွဲစီ လုပ်ရပါတယ်။ နေရတာက ဆိုင်အပေါ်ထပ်မှာပါ။

အလုပ်လုပ်ရတဲ့နေရာက ပေ ၈၀ ၊ ပေ ၁၅၀ လောက်ရှိတဲ့ အခန်းကြီးမှာ အကြွေစေ (မလေးငွေ တစ် ရင်းဂစ်၊ ကျွန်တော်တို့ကတော့ တစ်ကျပ်လို့ပဲ သုံးကြပါတယ်) ထည့်ကစားရတဲ့ ဂိမ်းစက် ၃၀ လောက်ရယ်၊ ဘိလိယက် ခုံကြီး နှစ်ခုံရယ် ရှိတာပါ။ ဆိုင်ကြီး တစ်ဆိုင်လုံးက အလင်းရောင် ရှိလေတယ်ဆိုရုံ မှိန်မှိန်လေးဖြစ်အောင် ရောင်စုံမီးတွေ ထွန်းထားပြီး၊ သီချင်းသံနဲ့ ဂိမ်းစက်တွေရဲ့ အသံတွေက အမြဲတမ်း ဆူညံပွက် နေပါတယ်။ ပထမ ၃ / ၄ ရက်မှာ ကျွန်တော့်ကို အရင် ၂ယောက်ကတစ်လှည့်စီ တွဲသင်ပေးပြီး နောက်ရက်တွေ မှာတော့ ကိုယ့်ဘာကို လုပ်ရပါတော့တယ်။

ဒီလိုဂိမ်းဆိုင်တွေက မလေးမှာ တရားမဝင်(တဝင်) ဖွင့်ထားတာပါ။ သူတို့က အစိုးရဆီမှာ အပျော်တမ်းဂိမ်းစက်နဲ့ ဘိလိယက်ဆိုင်ဆိုပြီး လိုင်စင်ယူကာ ဘိလိယက်ခုံ တစ်ခုံ၊နှစ်ခုံ ထည့်ကာ အကြွေစေ့ လောင်းကစား စက်တွေ (မလေးမှာ နာမည်ကြီးတဲ့ မြင်းလောင်းတဲ့စက်တွေ အပါအဝင်) ထည့်ပြီး လောင်းကစားဆိုင်တွေ ဖွင့်ထားကြတာပါ။ ဒီအတွက် မြန်မာပြည်က စည်ပင်လို အဖွဲ့အစည်းမျိုးဖြစ်တဲ့ MPPJ ဆိုတာကို အမြဲကြောက်နေ ရပါတယ်။ သူတို့တွေက မထင်တဲ့အချိန် ဝင်ဝင်ဖမ်းတတ်ပါတယ်။

Cashier လုပ်ရသူက ကောင်တာခန်း (ငွေခန်း) ထဲမှာ အမြဲနေရပါတယ်။ Customer လာရင် သူလဲလိုသလောက် ငွေအကြွေစေ့ကို လဲပေးရပါတယ်။ အကြွေစေ့ တစ်ရာပါတဲ့ ကဒ်လေးတွေ အဆင်သင့်ထည့်ထားရပါတယ်။ ဧည့်သည်က လောင်းကစားလို့ ရပ်လိုပြီဆိုရင် (မလေးစကားနဲ့ ကျူကျီ - ရှင်းလင်းတာ၊ Clearance) ကောင်တာကို လှမ်းခေါ်ရင် သူကစားနေတဲ့ စက်မှာရှိနေတဲ့ Credit အမှတ်ကို ကြည့်ပြီး ငွေပြန်ရှင်းပေးရပါတယ်။

ငွေခန်းအပြင်က “အ”မလေးတော့ Customer ငွေထပ်လဲလိုရင် လဲပေးတာ၊ အအေး ဆေးလိပ် ဝယ်ပေးရတာ၊ ကောင်တာကို ကျူကျီ လှမ်းခေါ်ပေးရတာ မျိုးတွေ လုပ်ပေးရပါတယ်။ ဆိုင်ထဲမှာ သန့်ရှင်းရေး လုပ်ပေးရပါတယ်။ ဘိလိယက်ထိုးမယ့်သူတွေ လာရင် ကောင်တာကနေ ဘိလိယက်ခုံပေါ်က မီးဆလောင်းကို ခလုပ်နှိပ် ဖွင့်ပေးရပါတယ်။ အဲဒီမီးခလုပ်ကို ဖွင့်လိုက်ရင် ကောင်တာမှတ်တဲ့ Timer လေးက အချိန်မှတ်ပေးနေပါတယ်။ ကစားပြီးလို့ မီးပြန်ပိတ်လိုက်မှ ရပ်သွားပါတယ်။ အဲဒီအချိန်လေးကို ကြည့်ပြီး ကျသင့်ငွေတောင်းရတာပါ။

လောင်းကစားဆိုင် ဖြစ်လေတော့ ဘယ်လို တရုတ်တွေ အများဆုံးရှိတယ်ဆိုတဲ့ နေရာ ဖြစ်ပါစေ လူပေါင်းစုံ လာပါတယ်။ ကောင်းတဲ့သူတွေရှိသလို ဆိုးသူတွေလည်း ရှိသမို့ ပြသနာတွေကလည်း နေ့စဉ် မရိုးနိုင်အောင်ရှိပါတယ်။ ပညာတွေကလည်း နေစဉ်ရပါတယ်။ ဂိမ်းဆိုင်မှာက သတိကြီးကြီးနဲ့ အမြဲနေရပါတယ်။ မဟုတ်တာ လုပ်လာလုပ်တဲ့ သူတွေကြောင့် ခံလိုက်ရရင် အချီကြီး စိုက်လျော်ရတတ်ပါတယ်။ ဓါးပြတွေ၊ လုတဲ့ သူတွေလည်း ကြောက်နေရပါတယ်။ LPPJ လာဖမ်းတတ်တာကိုလည်း သတိကြီးကြီးနဲ့ နေရတယ်။ ရဲက ပိုက်ဆံလာတောင်းတာလည်း ပေးနေရပါတယ်။ ဂိုဏ်းစတား ဆိုတာလည်း ကြောက်ရနဲ့ပါ။ (ဒီအကြောင်းတွေ နောက်အသေးစိတ် ဆက်ရေးပါမယ်)။

ဒီလိုနဲ့ပဲ စပါပြီဗျာ မလေးရှား လောင်းကစား ဂိမ်းဆိုင်က Cashier တစ်ယောက်ဘဝ။

(ဆက်ပါအုံးမယ်)။

PS – တစ်ချိန်တစ်ခါက မလေးမြေကို ရောက်ခဲ့ဖူးလေသူ အညတရ မြန်မာတစ်ယောက်ရဲ့ မလေးရောက် အတွေ့အကြုံများ အသေးစိတ် ပြန်ပြောပြတာလေးတွေကို မှတ်တမ်းယူ၊ ခွင့်ပြုချက်တောင်းကာ ရေးဖွဲ့ထားပါတယ်။

မလေးရှားသို့ တစ်ခေါက်တစ်ခါ (၃)

မလေးရှားသို့ တစ်ခေါက်တစ်ခါ (၂)

မလေးရှားသို့ တစ်ခေါက်တစ်ခါ (၁)

Source by :http://mandalaygazette.com