သြစတြေးလျ ကျောင်းသား ဗီဇာကြေးကို ငါးရာခိုင်နှုန်းလျှော့ချ

သြစတြေးလျ Perth ရှိ TAFE အား တွေ့ရစဉ်

၂၀၁၂ ခုနှစ် ဇန်န၀ါရီလမှစ၍ သြစတြေးလျ ကျောင်းသားဗီဇာကြေးအား ငါးရာခိုင်နှုန်းလျှော့ချမည် ဖြစ်ကြောင်း နိုဝင်ဘာလ ၂၉ ရက်နေ့ သြစတြေးလျ လူဝင်မှုကြီးကြပ်ရေး ဌာန၏ သတင်းထုတ်ပြန်ချက်အရ သိရှိရပါသည်။

သို့သော် အချို့သောဗီဇာကြေးများမှာမူ ငါးရာခိုင်နှုန်းမှ ၁၅ ရာခိုင် နှုန်းအထိ ပြောင်းလဲတိုးမြှင့်ခဲ့ကြောင်း လည်းထုတ်ပြန်ချက်တွင် ပူးတွဲပါရှိခဲ့သည်။

ယခုအချိန်တွင် သြစတြေးလျ ကျောင်းများမှာ မြန်မာနိုင်ငံတွင်း ဈေးကွက်မြှင့်တင်မှုပိုင်း ပိုမိုလုပ်ဆောင် လာခဲ့သည့်အပြင် မြန်မာ ကျောင်းသားများအတွက် ပညာသင် ထောက်ပံ့ကြေးများကို ပိုမိုကမ်းလှမ်း မှုများ ရှိလာခဲ့ကြသည်။

ထို့ပြင် ယခုကဲ့သို့ ဗီဇာကြေး လျှော့ချပြင်ဆင်သည့် အပြောင်းအလဲများ ပြုလုပ်ရခြင်းသည် စီမံခန့်ခွဲမှု အတွက် ကုန်ကျစရိတ်နှင့်ကောက်ခံသည့် ဗီဇာကြေးလိုက်လျောညီထွေမှု ရှိစေရန် ဆောင်ရွက်ရခြင်းဖြစ်ကြောင်း ထုတ်ပြန်ချက်တွင် ပါရှိခဲ့သည်။

“၂၀၁၁ နှစ်ကုန်ပိုင်းကနေ စပြီး သြစတြေးလျ ကျောင်းသားဗီဇာနဲ့ပတ်သက်တဲ့ ဖြေလျော့မှုတွေ ဆက်တိုက်ပြု လုပ်လာခဲ့တယ်။ ဒီအပြောင်းအလဲ တွေက မြန်မာသာမက နိုင်ငံတကာ ရဲ့ပညာရေးဈေးကွက်မှာ သြစတြေးလျ ကို ပိုမိုအာရုံစိုက်မှု ဖြစ်လာစေခဲ့တယ်” ဟု Crown Education ပညာရေးဝန်ဆောင်မှုလုပ်ငန်းမှ ဦးအောင်ကျော်ဆန်းက ပြောကြားခဲ့သည်။

လက်ရှိအချိန်တွင် သြစတြေးလျ ကျောင်းသားဗီဇာ လျှောက်ထားသူ နှင့်မှီခိုလိုက်ပါမည့်သူများ အနေဖြင့် ဗီဇာကြေး ကုန်ကျမည် မဟုတ်သော်လည်း နောင်တွင် ကျောင်းသားဗီဇာ နှင့်အတူမှီခိုလိုက်ပါမည့်သူမှာ အရွယ်ရောက်ပြီးသူဖြစ်ပါက ကျောင်းသား ဗီဇာကြေး၏ ၇၅ ရာခိုင်နှုန်းပေး ဆောင်သွားရမည့်အပြင် တရားဝင် အချိန်ပိုင်းလုပ်ခွင့်ကိုလည်း ရရှိမည် ဖြစ်သည်။ ထို့ပြင် ကျောင်းသားဗီဇာ နှင့် မှီခိုလိုက်ပါမည့်သူမှာ အရွယ်မရောက်သေးသူ ဖြစ်လျှင် ကျောင်းသားဗီဇာကြေး၏ ၂၅ ရာခိုင်နှုန်းပေး ဆောင်ရန် ချမှတ်ထားကြောင်း သြစတြေးလျ လူဝင်မှုကြီးကြပ်ရေး ဌာနမှ သိရှိရသည်။

ထို့ပြင် Pre Visa Assessment စနစ်ကို ဖျက်သိမ်းမှုများလည်း ရှိခဲ့ပြီး မိမိတို့၏စာသင်နှစ် မစတင်မီ လေးလအလိုမှသာ ဗီဇာလျှောက်ထားခွင့်ရခဲ့ကြောင်း သိရသည်။ လက်ရှိ သြစတြေးလျ ကျောင်းသားဗီဇာကြေးမှာ အမေရိကန်ဒေါ်လာ ၅၆၅ ဒေါ်လာ ဖြစ်ကြောင်းသိရသည်။

Source by :http://www.news-eleven.com/