မြန်မာ ရွှေ့ပြောင်းလုပ်သား တစ်သန်း ထိုင်းနိုင်ငံမှ ပြန်ပို့ခံ ကြရမည်

မြန်မာ ရွှေ့ပြောင်းလုပ်သား တစ်သန်း ထိုင်းနိုင်ငံမှ ပြန်ပို့ခံ ကြရမည်ထိုင်း နိုင်ငံရောက် မြန်မာ ရွှေ့ပြောင်း လုပ်သား တစ်သန်း ခန့်သည် ဒီဇင်ဘာ ၁၄ ရက် မတိုင်မီတွင် နိုင်ငံသားစိစစ်မှုလုပ်ငန်းစဉ်ကို ပြီးပြတ်အောင် မလုပ်နိုင်လျှင် နိုင်ငံ သို့ ပြန်ပို့ ခံရမည်ဖြစ်ကြောင်း မြန်မာ အစိုးရ နှင့် ထိုင်းမီဒီယာတို့မှ သိရ၏။

မြန်မာနိုင်ငံက နောက်ဆုံး သတ်မှတ်ရက်ကို တိုးမြှင့်ပေးရန် ပြောခဲ့သော်လည်း ထိုင်းဘက်မှ ထိုသို့ လုပ်ကိုင်ပေးရန် ငြင်းဆိုခဲ့၏။ ရွှေ့ပြောင်းအလုပ်သမားကိစ္စနှင့် ပတ်သက်သော ကျွမ်းကျင်သူ ပါရဂူ “အင်ဒီးဟာလ်” က ရွှေ့ပြောင်းမြန်မာအလုပ်သမား အများစုသည် အချိန်မီ စိစစ်မှုမလုပ်နိုင်ကြောင်း ပြောကြား ခဲ့၏။ 

 မြန်မာနိုင်ငံမှ အလုပ်သမား၊ အလုပ်အကိုင်နှင့် လူမှုဖူ လုံရေး ၀န်ကြီးဌာနမှ ၀န်ကြီး ဦးမြင့်သိန်းနှင့် ထိုင်း နိုင်ငံအလုပ်သမားနှင့် အလုပ် အကိုင် ၀န်ကြီးဌာနမှ ညွှန်ကြားရေးမှူးချုပ် “ပရမ်ဝစ်ခန်ပွန်” နှင့် တနင်္လာနေ့က ဘန်ကောက်မြို့တွင် တွေ့ဆုံ ခဲ့ကာ နောက်ဆုံးသတ်မှတ်ရက်ကို နောက်ထပ် ၆ လ သက်တမ်းတိုးပေးရန် တောင်းဆို ခဲ့သော်လည်း ခွင့်မပြုဟု ဘန်ကောက်ပို့စ် သတင်းစာတွင် ဖော်ပြခဲ့၏။ 

မြန်မာနိုင်ငံသမ္မတရုံးမှ နိုဝင်ဘာ ၂၃ ရက်နေ့စွဲဖြင့် ကြေညာချက်တစ်ရပ် ထုတ်ပြန်ရာ၌ မြန်မာရွှေ့ ပြောင်းလုပ်သားများကို ပြန်ပို့မည့်အစား တရားဝင် အသိအမှတ်ပြုလွှာ တစ်ခုခု ထုတ်ပေးရန် ပြောကြားခဲ့၏။ အကယ်၍ ဤကိစ္စမဖြစ်လျှင် နှစ်နိုင်ငံတို့၏ အကျိုးစီးပွားများ နစ်နာပြီး အလုပ်သမားများ၏ အခွင့် အရေးလည်း ဆုံးရှုံးနိုင်သည်ဟု ဆို၏။ ထိုင်း အစိုးရကမူ နောက်ဆုံး သတ်မှတ်ရက်ကို ဇွန်လ ၁၄ ရက်မှ နိုဝင်ဘာ ၁၄ ရက်အထိ သက်တမ်းတိုးခဲ့ပြီးဖြစ်၍ ထပ်မံ ရက်မတိုးနိုင်တော့ဟု ဆို၏။ 

ထိုင်းနိုင်ငံတွင် မြန်မာရွှေ့ပြောင်းလုပ်သား ၂ သန်းကျော်ရှိရာ ထိုအထဲမှ တစ်သန်းဝန်းကျင်သည် မှတ်ပုံမတင်ရသေးဟု မြန်မာအစိုးရက ဆို၏။ မြန်မာရွှေ့ပြောင်းလုပ်သားအများစုသည် ထိုင်းငါးဖမ်းလုပ်ငန်း၊ အထည်အလိပ်စက်ရုံ၊ ဆောက် လုပ်ရေးလုပ်ငန်း သို့မဟုတ် အိမ်ဖော် လုပ်ငန်းများတွင် အခကြေးငွေ အနည်းအပါးနှင့် လုပ်ကိုင်နေကြရ၏။ 

အများစုသည် ထိုင်းရဲများကို ဆက်ကြေးပေးနေရ၏။ တရားမ၀င် အလုပ်သမားများသည် အလုပ်ရှင်များ၏ မတရားခေါင်းပုံဖြတ်မှုကိုလည်း ခေါင်းငုံ့ခံကြရသည်။ 

Source by :http://yoyarlay.com/