ကော့မှူးမြို့ခံတွေ အောင်ပွဲခံဖို့ပြင်ဆင်နေ

ယနေ့နံနက် ကော့မှူးတွင် တွေ့ရသော ဒေါ်အောင်ဆန်းစုကြည် (ဓာတ်ပုံ - ဧရာဝတီ)

ကော့မှူးမဲဆန္ဒနယ်မြေတွင် ဒေါ်အောင်ဆန်းစုကြည် အနိုင်ရမယ်လို့ ယုံကြည်နေကြတဲ့ ဒေသခံတွေဟာ ကော့မှူးမြို့ လယ်လမ်းမကြီးနဲ့ မြို့ပေါ်ရှိ NLD ရုံးရှေ့တွင် ကြက်ပျံမကျလောက်အောင် စည်းကားနေလျက်ရှိပါတယ်။

ကော့မှူးမြို့နယ်ထဲမှာ စုစုပေါင်း မဲရုံ ၁၂၉ ရုံရှိတဲ့အထဲမှာ အရင်ဆုံး မဲရေတွက်ပြီးထုတ်ပြန်လိုက်တဲ့ ၆ ရုံမှာ NLD က မဲအပြတ် အသတ် အနိုင်ရရှိနေတဲ့အတွက် စောင့်ကြည့်နေတဲ့ မြို့ပေါ်က လူအုပ်ကြီးအတွက် ပိုပြီးအားတက်စေပါတယ်။

“ပြင်နေလိုက်ကြတာဗျာ။ တကယ့်ကိုပဲ ကျုပ်တို့ ရုံးအောက်မှာကို လူ ၇၀၀၀ ကျော်လောက်ရှိတယ်။ မြို့လမ်းတွေမှာကတော့ ခြေချစရာမရှိလောက်အောင်ပဲ” ဟု ကော့မှူးမြို့နယ် ရွေးကောက်ပွဲအောင်နိုင်ရေး အဖွဲ့ တာဝန်ခံ ဦးမြင့်သိန်း ကပြောပါတယ်။

ခွပ်ဒေါင်းအလံကို တံဆိပ်ပါ၊ ဖူးစည်း၊ အလံကြီးငယ်များ၊ အင်းကျီများ ဝတ်ဆင်ကြပြီး ကော့မှူးမြို့တွင်း လမ်းတလျှာက်မှာ သီချင်းတွေဖွင့်ပြီး စောင့်ဆိုင်းနေကြပါတယ်။ ပြည်တွင်းပြည်ပ သတင်းသမားတွေကလည်း ဒီလူအုပ်ကြီးနဲ့အတူ လိုက်ဖို့ အတူရှိနေကြပါတယ်။

Source by :http://www.irrawaddyblog.com/