ရွေးကောက်ပွဲ တိုက်ရိုက် တင်ပြခြင်း (၄၀)

ကြားဖြတ်ရွေးကောက်ပွဲရလဒ်များကို ကျေးရွာ၊ ရပ်ကွက်၊ မြို့နယ်၊ ခရိုင်ကော်မရှင်အဖွဲ့ခွဲများထံမှ လုံးဝရယူခွင့် မပြုကြောင်း ပြည်ထောင် စုရွေးကောက်ပွဲကော်မရှင်က ထုတ်ပြန်ထားသည်ဟု ယခုသတင်းရရှိ သည်။ အဆိုပါစာကို ပြည်ထဲရေးဝန်ကြီးဌာန၊ ကာကွယ်ရေးဝန်ကြီး ဌာန၊ ပြန်ကြားရေးဝန်ကြီးဌာနတို့သို့ ယခုလ ၂၉ ရက် ရက်စွဲ၊ စာအမှတ်(၂) ၄/ ရကပ/ ကမရ ဖြင့်ထုတ်ပြန်ခြင်းဖြစ်သည်။

အထက်ပါကဲ့သို့ ခရိုင်အဆင့်အထိ ကော်မရှင်များထံမှ သတင်းရယူခွင့်မပြုဘဲ တိုင်းဒေသကြီး/ပြည်နယ်ကော်မရှင်အဖွဲ့ခွဲများ၏ အတည်ပြုစာရင်းကိုသာ ရယူကြရန်သာဖြစ်ကြောင်း ရေးသားထားသည်။

ပြည်ထဲရေးဝန်ကြီးဌာန၊ အထွေထွေအုပ်ချုပ်ရေးဦးစီးဌာန၊ သတင်းတပ်ဖွဲ့၊ စရဖအပါအ၀င် သတင်းရယူလိုသော အဖွဲ့အစည်းများ အနေဖြင့် မဲရုံ၊ ရပ်ကွက်၊ ကျေးရွာ၊ မြို့နယ်ကော်မရှင်ခွဲများထံမှ ကြားဖြတ်သတင်းရယူလိုပါက မဲရေတွက်ခြင်းလုပ်ငန်းကို အနှောက်အယှက်ဖြစ်စေသည့်အပြင် အချက်အလက်ကိန်းဂဏန်းများယွင်းမှုများ ဖြစ်ပေါ်စေနိုင်ကြောင်း ဖော်ပြထားသည်။

ထို့ကြောင့် မဲဆန္ဒနယ်အလိုက် ဆန္ဒမဲရရှိမှုနှင့် ရွေးကောက်ပွဲရလဒ်အခြေအနေများကို သိရှိလိုပါက တိုင်းဒေသကြီး/ပြည်နယ်ကော်မရှင်အဖွဲ့ရုံးများသို့သာ ဆက်သွယ်ဆောင်ရွက်ကြရန်နှင့် ဆက်လက်ညွှန်ကြား ကြပ်မတ်ပေးပါရန် အကြောင်းကြားပါသည်ဟု ပြည်ထောင်စုရွေးကောက်ပွဲကော်မရှင်ဥက္ကဌကိုယ်စား တစ်ဦးကလက်မှတ်ရေးထိုးထုတ်ပြန်လိုက်ခြင်းဖြစ်သည်။

““ဒါဆိုရင် ပြန်ကြားရေးဝန်ကြီးဌာန၊ စာပေစိစစ်ညွှန်မှူးလက်မှတ်ထိ်ုးထုတ်ပေးလိုက်တဲ့ သတင်းထောက် တွေအတွက် သတင်းယူခွင့်ဆိုတဲ့ ကဒ်ပြားကြီးက အလကားပဲပေါ့””ဟု ပြည်တွင်းဂျာနယ်တစ်စောင်မှ သတင်း ထောက်တစ်ဦးကပြောသည်။

Update 5:12 ပုလဲမြို့နယ် မင်းတိုင်ပင်ကျေးရွာအုပ်စု၊ ထန်းတောတိုက်ကျေးရွာနေ ကိုဇော်လင်း ၂၅ နှစ်၊ ကိုတောက်ထွန်း ၃၀ နှစ်တို့ညီအစ်ကိုနှစ်ဦးသည် မဲပေးရန်အတွက် မင်းတိုင်ပင်ကျေးရွာမဲရုံသို့သွားခဲ့ရာ မဲစာရင်းထဲတွင် ၎င်းတို့အမည်မပါရှိ၍ မှတ်ပုံတင်ကိုင်ကာ မဲရုံရှေ့တွင်တစ်နေကုန်ထိုင်စောင့်နေခဲ့သည်။

ထိုသို့ထိုင်စောင့်နေစဉ် ထန်းတောတိုက်ကျေးရွာအုပ်ချုပ်ရေးမှူးဦးတင်ထွန်းက မဲပေးချင်လျှင်လိုက်ခဲ့ဟုဆိုကာ မဲရုံမပိတ်မီ ထိုသူနှစ်ဦးကို မဲရုံရှေ့မှရွာဘက်သို့ခေါ်ဆောင်သွားကာ လက်သီးဖြင့်ထိုးခဲ့သည်ဟုဆိုသည်။

လက်သီးဖြင့် အထိုးခံရနှစ်ဦးက ထိခိုက်ဒဏ်ရာရရှိခဲ့မှုကြောင့် ယနေ့ ၄ နာရီ ၅၀ မိနစ်အချိန်ခန့်က ကျေးရွာအုပ်ချုပ်ရေးမှူးဦးတင်ထွန်းအား ပုလဲမြို့နယ်ရဲစခန်းတွင် တိုင်ချက်ဖွင့်ထားသည်ဟုသတင်းရရှိသည်။

7Day News Journal

Source by :http://www.thithtoolwin.com/