ထိုးဖောက်မြင်နိုင်စွမ်း မရှိသော အလွှာ (ရသ စာပေ)

ကျွန်တော်တို့ ကမ္ဘာကြီးမှာလည်း သာမာန် မျက်စိနဲ့မြင်နိုင်စွမ်းမရှိတဲ့ အလွှာရှိတယ်။ ခရမ်း လွန်ရောင်ခြည်ဆိုတဲ့….. နေအလင်းရောင်မှာပါတဲ့ ရောင်ခြည်တွေနဲ့ အပူတွေကိုကာကွယ်ပေးထားတဲ့ အိုဇုန်း လွှာပေါ့..။ ကျွန်တော်တို့နေတဲ့ ပတ်ဝန်းကျင်မှာ မမြင်ရတဲ့အလွှာတွေ ပိုများတယ်ဆိုတာ ကိုယ်တိုင်ကြုံတွေ့မှ ကျွန်တော် သိခဲ့ရတယ်။

*************************************************************************************

ကျွန်တော့်ဘ၀ရဲ့ ပထမဆုံးသူများ လက်အောက်ခံ အလုပ်လုပ်သော အချိန်ဖြစ်သည်။ အမေကျန်းမာရေး မကောင်းတာနဲ့ပဲ ဆယ်တန်းကို ကျွန်တော်တစ်နှစ် အောက်ခဲ့ရသည်။ နောက်တစ်နှစ် တက္ကသိုလ်ဝင်တန်း ကျူရှင် မတက်ခင်ပေါ့။

လူများတကာ အဖေလို့ ခေါ်နေချိန်တွင် ကျွန်တော့်တွင် အဖေဆိုသည့် ပုံရိပ်အား အရိပ်ငွေ့ငွေ့ဖမ်းနေ ရတုန်းပင်။ အဖေ မိသားစု အပေါ်ခွဲခွာ သွားသည့်အချိန်သည် ကျွန်တော်တို့ အိမ် တွင် ပြက္ခဒိန်(၁၄) ခုလောက်ပင် ကုန်သွား ပေပြီ။

မိသားစု ၀င်ငွေကာမိရန် ကျွန်တော့်အား အဖေ့မိတ်ဆွေ ဆိုသည့် လူမျိုးခြား တစ်ယောက်ထံတွင် နေ့စား အလုပ်ဝင် လုပ်ခဲ့ရသည်။ ထိုအချိန်တွင် ကျွန်တော့်ဘ၀၏ ပတ်ဝန်းကျင်သည် အုံ့မှိုင်းမှိုင်းနှင့်သာ အချိန် ကုန်ခဲ့ရသည်။

အလုပ်ခန်း ဆိုသော တိုက်ခန်း ကျဉ်းကျဉ်းလေးထဲ တွင် အားကစား ပစ္စည်းအကြမ်းထည်များအား ကော်ပတ်များဖြင့် သံချေးများ အားတိုက်ကာ လုပ်ရသောအလုပ် သည် ကျွန်တော့်ဘ၀တွင် ကျွန်တော့်အတွက် ပထမဆုံး အလုပ်ဖြစ်ခဲ့ရသည်။ တစ်ရက်(၅၀၀) ဖြင့် တစ်ပတ်နေ လျှင် ငွေ(၃၀၀၀)ရသော လူမျိုးခြား တစ်ယောက်၏ အလုပ်တွင် ကျွန်တော်ပျော်လား မပျော်လားဆို တာတော့ ပြောဖို့မလိုတော့ပေ။

“အမေ .... သားကျူရှင် တက်တော့မယ်လေ အလုပ်ကို ဘယ်လိုပြောရမလဲ” “ကျူရှင်တက်တဲ့ ရက်မလုပ်ဘဲ ကျူရှင် မတက်ရတဲ့ရက် အလုပ်ဆင်းမယ်လို့ ပြောကြည့်လေ…..” မိသားစု အဆင်ပြေဖို့အရေး… အလုပ်ရှင်ရဲ့သားဖြစ်သူအား ကျွန်တော် ထိုအဖြစ်ကို ပြောပြမိသည်။

“လှိုင်ထွန်းမင်းက ဆယ်တန်းစာမေးပွဲ ဖြေဦးမလို့လား….” “ဟုတ်ကဲ့…..” “မဖြေပါနဲ့ကွာ….. မင်းအောင် မှာလည်း မဟုတ်ပါဘူး….”

ကျွန်တော့်နားထဲရောက်လာသော ထိုစကားလုံးသည် ကန့်လန့် ၀င်တာထက် ဆိုးသော စကားလုံးဖြစ်ခဲ့ သည်။ ကျွန်တော်နှင့် အလုပ် တူတူလုပ်သော နောက်လူနှစ်ယောက်က သူ့အပြောကိုကြည့်၍ ရီကြသည်။ အလုပ်ခန်းထဲတွင် လူမျိုးခြားကြားတွင် ကျွန်တော် တစ်ယောက်တည်း။

ထိုနေ့က သူဌေးသား ဆိုသူအား ကျွန်တော် ဘာမှမပြောတော့ပေ။ လုပ်ခအားလုံးရှင်း၍ နောက်တစ်နေ့ အလုပ် မသွားတော့ဘူးဟု အမေ့ကို သာ ပြောပြလိုက်တော့မည်။ ကျွန်တော် ဗုဒ္ဓဘာသာဝင် တစ်ယောက်ဖြစ်သည်။ ကျွန်တော် သည်းခံခြင်းတရားကို လက်ကိုင်ထား လိုက်သည်။ တစ်နေ့ ကျွန်တော့်အား ခေါင်းမော့အောင် လုပ်ဆောင် ပေးသော အရာသည် ပညာသည် သာဖြစ်ရမည်။

ထို လူမျိုးခြားပေါ်တွင် ကျွန်တော်မမြင်ရသော အလွှာတစ်ခုမြင်လိုက်ရသည်။ ထိုအလွှာသည် ဘယ်လို အရာလဲ …..။ နိုင်ငံတစ်နိုင်ငံ တည်းတွင် နေပေမယ့် လူမျိုးခြားတစ်ခု အပေါ်တွင် အခွင့်သာလျှင် အနိုင်ကျင့်ချင် သော သာမာန် မမြင်နိုင်သော အလွှာဖြစ်သည်။

*************************************************************************************

ကျွန်တော် တက္ကသိုလ်ဝင်တန်း အောင်မြင်ခဲ့သည်…။ ကျွန်တော် တက်ရောက်ချင်သော စီးပွားရေး တက္ကသိုလ်တက်ချင် ပေမယ့်လည်း မိသားစု အခြေအနေကြောင့် အဝေးသင် စီးပွားရေးကိုသာ ကျွန်တော် တက်ရောက်ခဲ့သည်။ အဝေးသင်တက်နေရင်းပင် ပညာဒါနဆိုသည့် ကွန်ပျူတာ သင်တန်းကျောင်း တွင် ကွန်ပျူတာ သင်ကြားခဲ့သည်။

“ကွန်ပျူတာ သင်တန်းဆင်းပြီးသူတိုင်း Volunteer လျှောက်ထားနိုင်သည်။ ” ဆိုသည့် ကြော်ငြာစာတန်းသည် ကျွန်တော့်အား စိတ်ပါဝင်စားစေသည်။ အမှန်တော့ကြော်ငြာစာသည် ကွန်ပျူတာသင်တန်း(၃)ခု တက်ပြီးသူတိုင်း နည်းပြ လျှောက်ထားခွင့်ရှိသည် ဆိုသည်ပင်။

မိမိလိုပင် ခက်ခဲနေသူ များအား ပညာဒါနလုပ်ပေးရန် စိတ်အား ထက်သန်စွာဖြင့် ကြိုးကြိုးစားစား ကျွန်တော်ထို Volunteer အလုပ်အား လျှောက်ခဲ့သည်။ အင်တာဗျူးများ အထပ်ထပ် အခါအခါဖြေပြီးသည့်နောက်တွင် ကျွန်တော့်အိမ်သို့ အလုပ်ခန့်စာဟူသော စာအိတ်လေး ရောက်လာခဲ့သည်။

လုပ်အားခ မရပေမယ့် နောင်အခါတွင် ထိုက်တန်သော လစာပေးမည်ဖြစ်သည်…။ လုပ်အားခ မမျှော်မှန်း ပေမယ့် Volunteer အလုပ်ကိုပင် ကျွန်တော် မက်မောခဲ့သည်။ နည်းပြဆိုသည့် အလုပ်သည်ပင် ယခင်အလုပ်နှင့် အလွန်ပင်ကွာခြားသွားသည်။

ပညာဒါနဆိုသည့်ကျောင်းသည် ကျွန်တော်ပထမရောက်ခါစ ထက်ပင် သာယာနေသလိုပင်။ နေရာအနှံ့တွင် အလှူရှင်များ လှူဒါန်းထားသော စာသားများ။ ပညာဒါနဆိုသည့် ၀မ်းသာလှိုက်လှဲစွာခံစားရသော အရသာသည် ရင်ထဲတွင်လှိုင်းခတ်သလိုပင်….။ အလွှာ…. အလွှာဆိုတဲ့အရာ လူတစ်ယောက်ဆီမှာတင် ဖုံးအုပ်ထားသလိုပင်၊ အဖွဲ့အစည်း များတွင်လည်း ဖုံးအုပ်တတ် သည်ကို ကျွန်တော်သိခဲ့ရသည်။

ကျွန်တော့်ထက်က စီနီယာ တစ်ယောက်နှင့် ထိုစီနီယာ၏ အထက်က လူကြီးတစ်ယောက် …. ပညာဒါန ဆိုသည့် သူတို့၏ နောက်တွင် နေရာလုပွဲ ကျင်းပနေသည်ကို ကျွန်တော်သိလိုက်ရသော အချိန်ဖြစ်သည်။ ပညာဒါနဆိုသည့် လှပစွာ ဖုံးအုပ်နေတဲ့အလွှာလေး ကြည်နူးဖို့ကောင်းသည်။

ထိုအလွှာ၏ အောက်တွင် မမြင်ရသော အလွှာသည် မည်မျှပင် အရုပ်ဆိုး အကျည်း တန်နေ သနည်း သင်တန်း အပတ်စဉ် တစ်ခုမျှသာ ကျွန်တော် တာဝန်ထမ်းဆောင်ကာ ထိုနေရာမှကျွန်တော် ထွက်ခွာခဲ့တော့သည်။ လှပသော အလွှာလေးအောက် တွင် အကျည်းတန်သော နေရာလုပွဲ အလွှာထဲတွင် ကျွန်တော်မပါဝင်လိုပါ။

*************************************************************************************

မတတ်သာတဲ့ ဘ၀မှာ ကုသိုလ်ကြီးကြီးပြုဖို့ရာ သူများအသက်ရှင်ဖို့အတွက် ကိုယ့်ရဲ့သန့်စင်တဲ့ သွေးကို လှူဒါန်းတစ်ခုလည်း ပါသည်ဟု ကျွန်တော်ထင်သည်။ “မရှိလို့…မလှူ၊ မလှူလို့…မရှိ” တဲ့ သည်စကား ဘယ်ကထွက် ပေါ်လာမှန်းတော့ ကျွန်တော် မသိရိုးအမှန်။

မရှိတဲ့သူတွေ မလှူတော့… ၊ မလှူလို့….မရှိတာတဲ့.. မရှိဆင်းရဲသားတွေမှာ ကြီးကြီးကျယ်ကျယ် ခမ်းခမ်းနားနား မဟုတ်ပေ မယ့် ညီမျှတဲ့ကုသိုလ်ရတဲ့ လှူဒါန်းခြင်း တွေရှိနေသည်ကို ကျွန်တော်သိခဲ့ရသည်။ ကျွန်တော်တို့ မရှိပါဘူး… ဒါပေမယ့် မလှူလို့မရှိတာမဟုတ်ဘူး။ ရှေးဘ၀က ဒါန ကုသိုလ်နည်းခဲ့လို့သာဖြစ်မည်။

ဒီဘ၀တွင် မရှိတဲ့ကြား ထဲကလှူဖြစ်ခဲ့သည်။ သွေးသည်… အသက်ဆိုတဲ့အတိုင်း ကိုယ့်သွေးကို ဖောက်ထုတ်လှူဒါန်းခြင်းဟာ မကြီး ကျယ်မခမ်းနားတော့ဘူးလား…….။ ဆိုင်းသံ ဗုံသံတွေ ခြိမ့်ခြိမ့်မသဲ။ မော်ကွန်ကဗ္မည်းတွင် မတင်ခဲ့ပေ။ မကြီး ကျယ်မခမ်းနားဘူးဆိုတဲ့ အလွှာလေး အောက်မှာ ကြီးကျယ်မြင့်မြတ်တဲ့ အလွှာရှိ တယ်ဆိုနေတာကို ကျွန်တော်တို့ပတ်ဝန်းကျင်က လူတွေ မြင်မှမြင် တတ်ပါစ။

အလုပ်မှပြန်ရောက်ရောက် ချင်းပင် အိမ်တွင် ရောက်ရှိနေသော ဖိတ်စာတစ်စောင်အား အမေက ကျွန်တော့်ကိုပြသည်။ လှပခမ်းနားစွာ ရိုက်နှိပ်ထားသောဖိတ်စာဖြစ်သည်။ ရှင်ပြုအလှူမင်္ဂလာပွဲ ဖိတ်စာ ဖြစ်သည်။ ထိုဖိတ်စာကျွန်တော်ကြည့်ပြီးသောအခါ နောက်ဖိတ်စာတစ်ခုအား ကျွန်တော့်ကို အမေပြသည်။ ကတ်ပြားတစ်ခု တည်းဖြစ်သာ ရိုက်နှိပ်ထားသော ဖိတ်စာ တစ်စောင်ဖြစ်သည်။ အလှူအမျိုးအစား ကား အတူတူပင်။

“ဒုန်း…..ချပ်… ဒုန်း…..ချပ်….. ဟေးးးးးးးးးးးးးးးး”

နံနက်ကိုးနာရီ ဆယ်နာရီပင်ရှိသေးသည်။ ရှင်ပြုအလှူမင်္ဂလာပွဲ၏ ရှင်လောင်း လှည့်သံဖြစ်သည်။ ရှည်လျားသော ရှင်းလောင်း လှည့်ယာဉ်များနှင့် ထိပ်ဆုံးတွင် အလှူ့ရှင်ကျောင်းအစ်မကြီးရဲ့ ငွေဖလား ထဲမှ ငွေစက္ကူများက ဖွားခနဲ…ဖွားခနဲ… ဘေးဘယ်ယာသို့ ဖွဲကျသွားသည်။

ငွေစက္ကူများအား အပွန်းအပဲ့ ခံကောက်ယူနေသော ရပ်ကွက် အနီးနားက သူဆင်းရဲကလေးတွေ။ ကျွန်တော်မြင်လိုက်ရသည်။ ကျွန်တော်မြင် လိုက်ရသည်မှာ…. ကလေးတစ်ယောက်ချင်း ဆီရသွားသော ငွေစက္ကူ တန်ဖိုးမှာ ထိုရှင်ပြု အလှူမင်္ဂလာပွဲ၏ ဖိတ်စာတစ်စောင် တန်ဖိုး လောက်ပင်မရှိချေ…။ မင်္ဂလာရှိသော အလှူအတန်းကြီးဆိုသည့် အလွှာအောက် တွင် ပကာသနဆိုသော အလွှာတစ်ခုကို ကျွန်တော်မြင်လိုက်ရသည်။

*************************************************************************************

ကမ္ဘာပေါ်ကြီးရှိ အလွှာများစွာထဲတွင် အလွှာများစွာ ဖုံးအုပ်လျှက်ရှိကြသည်။ အချို့ကို မြင်နိုင်စွမ်းရှိ သော်လည်း အချို့အားမြင်နိုင်စွမ်း မရှိချေ။ ဆိုးသောအလွှာ ၊ ကောင်းသောအလွှာ အလွှာအမျိုးမျိုးဖြင့် တည်ရှိနေကြသည်။ လူ တစ်ယောက်ချင်းစီတွင် ဖုံးအုပ်ထားသော အလွှာများစွာရှိနေသည်။

ကျွန်တော် တွင်လည်း လူများ မမြင်နိုင်အောင် ဖုံးအုပ်ထားသော ဆိုးသွမ်းသော အလွှာတစ်ခု ရှိသည်။ မြင်နိုင်စွမ်းရှိသူမှ မြင်လိမ့်မည်။ လူတိုင်း…လူတိုင်း.. နေရာတိုင်း…နေရာတိုင်း… အဖွဲ့အစည်းတိုင်း…. တွင်လည်း အလွှာများစွာ ရှိပေလိမ့်မည်။ ထိုမြင်နိုင်စွမ်း မရှိသော အလွှာသည် ………။

စူးရှ
NO-10JAN2012-002
aung.moethu1@nayzawlin.com
aung.moethu1@gmail.com

18.12.2011

Sunday,11:20PM
www.aungmoethu.blogspot.com