မောင်သောင်းဒီ (ဓာတ်ပုံ- မြတ်ညို)
စက္ကူလေယာဉ် ရွှေတံဆိပ်ဆုရှင် မောင်သောင်းဒီ ထိုင်းနိုင်ငံသားကဒ် လုပ်ခွင့် မရရှိသေးကြောင်း သူ့ဖခင်က ပြောသည်။
ဇူလိုင်လ (၁၄)ရက်နေ့က သူနေထိုင်ရာ ချင်းမိုင်မြို့ ထိုင်းစာသင်ကျောင်းတွင် အသက် (၁၅)နှစ်အောက် ကျောင်းသားများအား ထိုင်းအစိုးရက နိုင်ငံသားကဒ် လုပ်ပေးခဲ့သော်လည်း မောင်သောင်းဒီမှာ ပြုလုပ်ခွင့် မရရှိခဲ့ပေ။
“အစီအစဉ်က ထိုင်းနိုင်ငံသားများအတွက် ထော်ရော(၁၄) ကိုင်ဆောင်ထားသူများ အတွက်သာ ဖြစ်တယ်။ တောင်ပေါ်သားကဒ် အပါအ၀င် ရွှေ့ပြောင်း အလုပ်သမားတွေနဲ့ မဆိုင်ဘူးဗျ”ဟု ချင်းမိုင် အခြေစိုက် MAP ဖောင်ဒေးရှင်း ရွှေ့ပြောင်း အလုပ်သမားရေး ဌာနမှ တာဝန်ရှိသူ စိုင်းနီက ပြောသည်။
ထိုင်းနိုင်ငံတွင် ရွှေ့ပြောင်း အလုပ်သမား မိဘများမှ မွေးဖွားပြီး မြန်မာနိုင်ငံဘက်တွင်လည်း မှတ်ပုံတင် မရှိသလို မွေးဖွားရာ ထိုင်းနိုင်ငံတွင်လည်း ထိုင်းနိုင်ငံသား လက်မှတ်မရရှိသူ ကလေးများစွာ အနက် မောင်သောင်းဒီလည်း တစ်ဦး အပါအ၀င် ဖြစ်သည်။
မောင်သောင်းဒီသည် ၂၀၀၉ ခုနှစ်က ဂျပန်နိုင်ငံတွင် နိုင်ငံတကာ စက္ကူ လေယာဉ်လွှတ် ပြိုင်ပွဲတွင် ထိုင်းနိုင်ငံ ကိုယ်စားပြု အဖွဲ့လိုက် ရွှေတံဆိပ်နှင့် တစ်ဦးချင်း တတိယဆု ရရှိခဲ့သည်။ ထိုစဉ်က ထိုင်းဝန်ကြီးချုပ် အဘီဆစ် ဝေ့ချာချီဝက မောင်သောင်းဒီ၏ အဆင့်မြင့် ပညာရေး ဆုံးခန်းတိုင်အောင် နိုင်ငံတော် စရိတ်ဖြင့် သင်ကြားခွင့် ပြုမည်ဖြစ်ကြောင်း ကြေညာခဲ့သည်။
သို့သော် ထိုင်းနိုင်ငံသား လက်မှတ် ကိုင်ဆောင်ခွင့် မရရှိသေးသဖြင့် ပညာရေးတွင် အခက်အခဲ ဖြစ်လာမည်ကို သူ၏ မိဘများက စိတ်ပူနေသည်။
ဖခင်ဖြစ်သူက “ကျနော့်သားက လေကြောင်း စက်မှုသိပ္ပံ အင်ဂျီနီယာ ဖြစ်ချင်တယ်။ ထိုင်းအစိုးရကသာ တာဝန်ယူပြီး သင်ကြား မပေးရင် ကျနော်တို့ အနေနဲ့ အဆင့်မြင့် ပညာတွေကို သင်ပေးနိုင်မှာ မဟုတ်ဘူး” ဟုပြောသည်။
ရှမ်းပြည်နယ် နန့်စန်မြို့မှ ဦးစိုင်းညွန့်နှင့် ဒေါ်မွန်တို့က ၁၉၉၇ ခုနှစ် ထိုင်းနိုင်ငံ၊ ချင်းမိုင်မြို့ ဝှေ့ဆိုင် ရပ်ကွက်၌ မောင်သောင်းဒီအား မွေးဖွားခဲ့သည်။
မောင်သောင်းဒီအနေဖြင့် တချိန်ချိန်တွင် ထိုင်းနိုင်ငံသား လက်မှတ်ရမည်ဟု မျှော်လင့်နေဆဲ ဖြစ်သည်။
Source by :http://www.ghre.org/
.jpg)
.jpg)
0 comments:
Post a Comment