စင်္ကာပူ အတိုက်အခံ ခေါင်းဆောင်တဦး၏ ဘ၀ ပုံရိပ်လွှာ

စင်္ကာပူလို နိုင်ငံမျိုးမှာ အတိုက်အခံလုပ်ရတဲ့ ခေါင်းဆောင် တဦးအတွက် သိပ်လွယ်လှတာတော့ မဟုတ်ပါဘူး။

မြန်မာနိုင်ငံက အတိုက်အခံ ခေါင်းဆောင်တွေက နိုင်ငံတကာရဲ့ အလေးထားမှု၊ နိုင်ငံသူ နိုင်သားများရဲ့ အလေးထားမှု၊ လေးစားမှုတွေကို ဖောဖောသီသီ ရနေပေမယ့် စင်္ကာပူလို ချမ်းသားတဲ့၊ နိုင်ငံသူ နိုင်ငံသားများ လေးစားအားထားရတဲ့ လီကွန်ယု လို ပုဂ္ဂိုလ်မျိုးနဲ့ ယှဉ်ပြီး အတိုက်အခံ ခေါင်းဆောင် လုပ်တယ်ဆိုတာ သိပ်တော့ လွယ်လှတာမဟုတ်ပါဘူး။

စင်္ကာပူ နိုင်ငံရေး စနစ်က Semi-Democracy လို့ခေါ်တဲ့ တ၀က်တပျက် ဒီမိုကရေစီ စနစ်အောက်မှာ အတိုက်အခံ ခေါင်းဆောင် တဦး ဘယ်လို အသက်ရှင် ရပ်တည် ရသလဲ ဆိုတာကို တင်ပြလိုက်ရ ပါတယ်။

Singapore Democratic Party (စင်္ကာပူ ဒီမိုကရက်တစ် ပါတီ) ခေါင်းဆောင် အထွေထွေ အတွင်းရေးမှူးချုပ် Chee Soon Juan ရဲ့ မိသားစုဘ၀နဲ့ နိုင်ငံရေး ဘ၀နှစ်ခုကို ဘယ်လိုပေါင်းစပ် လုပ်နေရသလိုဆိုတာ စိတ်ဝင်စားစရာ ကောင်းတဲ့အချက် ဖြစ်ပါတယ်။

အတိုက်အခံ ခေါင်းဆောင်တဦး လုပ်နေရပေမယ့် ပါလီမန်တွင်းမှာ မိမိပါတီ အမတ်တဦးမှ မရှိတဲ့ ပါတီခေါင်းဆောင် ဖြစ်ပါတယ်။ နိုင်ငံရေး ဟောပြောမှုတွေကြောင့် ထောင်ဒဏ် (၁၀) ကြိမ်ကျခဲ့တဲ့ ခေါင်းဆောင် တဦးဖြစ်ပါတယ်။

အုပ်ချုပ်သူ တို့ရဲ့ ပစ်မှတ် ဖြစ်လာတဲ့ Chee

၁၉၉၂ ခုနှစ်မှာ နိုင်ငံရေးလောကသို့ စတင်ခြေချလာခဲ့ပါတယ်။ ၁၉၉၀ ခုနှစ်မှာ အမေရိကန်နိုင်ငံ ဂျော်ဂျီယာ တက္ကသိုလ်ကနေ စိတ်ပညာပါရဂူ ဘွဲ့ကိုရရှိခဲ့ပါတယ်။ ဘွဲ့ရပြီး စင်္ကာပူ အမျိုးသား တက္ကသိုလ် စိတ်ပညာဌာနမှာ ဆရာလုပ်ခဲ့ပါတယ်။ ၁၉၉၂ နှစ် ကြားဖြတ် ရွှေးကောက်ပွဲမှာ ၀င်လာတဲ့ ခေတ်ပညာတတ် လူငယ်တဦး ဖြစ်လာခဲ့ပါတယ်။ Chee ဟာ အတိုက်အခံ နိုင်ငံရေး ပါတီသို့ ၀င်ရောက်ပြီး သိပ်မကြာခင်မှာဘဲ စင်္ကာပူအမျိုးသား တက္ကသိုလ် စိတ်ပညာဌာန ဌာနမှူး ရာထူးကနေ လာဘ်စားမှု အကြောင်းပြချက်နဲ့ ထုတ်ပယ်ခြင်းခံရပါတယ်။

အမေရိကန် ပြည်ထောင်စုမှာ ပါရဂူဘွဲ့တက်နေတဲ့ အမျိုးသမီးဆီကို သုတေသန ရန်ပုံငွေကို လွဲပြောင်းပေးတယ်ဆိုတဲ့ အကြောင်းပြချက်နဲ့ ထုတ်ပယ်လိုက်တာ ဖြစ်ပါတယ်။ Chee ကတော့ စွတ်စွဲချက်တွေကို ငြင်းဆန်ခဲ့ပြီး နိုင်ငံရေးအရ လုပ်ကြံတာ ဖြစ်ကြောင်း ပြောဆိုခဲ့ပါတယ်။ နိုင်ငံရေးအကြောင်းပြချက်နဲ့ အလုပ်ပြုတ်တယ်ဆိုတဲ့ ပြောဆိုချက်နဲ့ ပတ်သက်ပြီး တက္ကသိုလ် ၀န်ထမ်းနှစ်ဦးက တရားစွဲဆိုတဲ့ အတွက် တရားရုံးက လျော်ကြေးပေးရန် ဆုးံဖြတ် ခံခဲ့ရပြန်ပါတယ်။

၂၀၀၁ ခုနှစ်လူထု စည်းဝေးပွဲ မဲဆွယ်စဉ် အင်ဒိုနီးရှား အစိုးရသို့ စင်္ကာပူဒေါ်လာ ၁၈ ဘီလီယံ ချေးငှားလိုက်တာနဲ့ ပတ်သက်ပြီး စွတ်စွဲ ပြောဆိုမှုကြောင့် လီကွန်ယုနှင့် ဂိုရှော့တောင် တို့ရဲ့ တရားစွဲဆို ခြင်းကို ခံရ ပြန်ပါတယ်။ တရားရုံးက ဂိုချုပ်တောင်ကို စင်္ကာပူ ဒေါ်လာ သုံးသိန်းနဲ့ လီကွန်ယုကို ဒေါ်လာ နှစ်သိန်း ပေးစေရန် ပြစ်ဒဏ် ချမှတ်ခဲ့ပြန်ပါတယ်။ ဒီဒဏ်ငွေတွေကို ပေးဆောင်နိုင်ခြင်း မရှိတဲ့ အတွက် ၂၀၀၆ ခုနှစ်မှာ လူမွဲစာရင်း သွင်းတာခံလိုက်ရပါတယ်။ လူမွဲ စာရင်းဝင်သွားတဲ့ ဥပဒေ ကြောင်းအရ ရွေးကောက်ပွဲမှာ ၀င်ရောက်ယှဉ်ပြိုင်ခွင့် မရှိတော့ပါဘူး။

ဒီမိုကရေစီ အာဏာရှင်စနစ် အောက်က အတိုက်အခံ ခေါင်းဆောင်တဦးရဲ့ ဘ၀ကလည်း ကြမ်းတမ်းလှပါတယ်။

Chee ရဲ့ ရိုးရှင်းတဲ့ မိသားစုဘ၀

Chee ဟာ သူ့ရဲ့ ကလေးသုံးဦး ကျောင်းတက်၊ ကျောင်းဆင်းကို ကားနဲ့ လိုက်ပို့ပေးလေ့ရှိပါတယ်။ အိပ်ခန်း သုံးခန်းပါတဲ့ အိမ်နဲ့ ကားက လူမွဲစာရင်းသွင်း မခံရမှီကတည်းက ပိုင်ဆိုင်ခဲ့တဲ့ အရာတွေပါ။ စင်္ကာပူ နိုင်ငံရဲ့ အတိုက်အခံ ခေါင်းဆောင်ဟာ မိသားစုတွေ မျှဝေသုံးစွဲရတဲ့ မော်ဒယ်အောက်နေပြီ ဖြစ်တဲ့ စားပွဲတင်ကွန်ပျူကို သုံးပြီး သူ့ဆီကိုလာတဲ့စာတွေကို ပြန်သလို၊ ဆောင်းပါးတွေ၊ သုံးသပ်ချက်တွေ ရေးနေတဲ့သူ ဖြစ်ပါတယ်။

ပါတီအလုပ်အပြင် စာရေးခြင်း၊ စာအုပ်တိုက်တွေကနေ သူ့ရဲ့စာအုပ်ကို ရောင်းချရေး၊ နိုင်ငံခြား တက္ကသိုလ်တွေမှာ ပညာရှင်တဦး အနေဖြင့် အလုပ်လုပ်လေ့ရှိပါတယ်။

Chee က နိုင်ငံရေးနဲ့ မိသားစု ရပ်တည်ရေး၊ ကလေးသုံး ဦးရဲ့ပညာရေး ကိစ္စတွေကို တာဝန်ယူရတာ သိပ်ကို ခက်ခဲတဲ့အကြောင်း ပြောပြပါတယ်။ သူရဲ့ အမျိုးသမီးကလည်း စိတ်တူကိုယ်တူ ပညာရှင်တဦးပါဘဲ။

နှစ် နှစ်ဆယ်ပေါင်းလာတဲ့ Huang Chih Mei ဟာအယင်က ဈေးကွက် သုတေသန ကုမ္ပဏီ တခုမှာ အလုပ်လုပ်ခဲ့ပါတယ်။

ကုမ္ပဏီမှာ လုပ်ရတဲ့ အစည်းအဝေး တက်တာ၊ တင်ပြချက်တွေလုပ်တာ၊ လူမှုရေး ဗဟိရ ကိစ္စတွေကို လုပ်ရတဲ့အတွက် ငြီးငွေ့ပြီး အလုပ်ကနေ ထွက်လိုက်ပါတယ်။ သူမလုပ်လိုတဲ့ အတကယ့်အလုပ်က သုတေသန ပါလို့ပြောဆိုခဲ့ပါတယ်။ မိမိလုပ်ချင်တဲ့ ၀ါသနာမပါတဲ့ အလုပ်ကို စွန့်လွတ်လိုက်တဲ့ ရဲဝံ့တဲ့သတ္တိ ရှိသူတဦး ဖြစ်ပါတယ်။

ရိုးရှင်းတဲ့ နေထိုင်မှု

Chee နေထိုင်တဲ့ တိုက်ခန်းမှာ ကြမ်းပြင်ကနေ၊ မျက်နှာကြက်အထိ တွေ့မြင်နေရတာက မြင့်မားတဲ့ စာအုပ်စင်တွေဘဲ ဖြစ်ပါတယ်။ သူတို့ရဲ့ အရွယ်မရောက်မှီ ၁၃ နှစ်နှင့် ၉ ကလေးနှစ်ဦးကို ခေတ်ရေစီးကြောင်း ကနေဆွဲထုတ်ပြီး စာဖတ်ခြင်းမှာ မွေ့ပျော်အောင် လုပ်ပေးထားပါတယ်။ ဒီကလေးတွေမှာ အိုင်ဖုန်းမရှိဘူး၊ တီဗွီဂိန်းဆော့တာကိုလည်း သိပ်ပြီးခွင့်ပြုလေ့မရှိပါဘူး။ အဖေ ဖြစ်သူ နိုင်ငံရေးသမားရဲ့ အတွေးက ကလေးတွေကို လူတွေနဲ့ စကားပြောဆိုရတာ၊ လူတွေရဲ့ အခက်အခဲကို နားထောင်တတ်တဲ့ ကလေးတွေဖြစ်လိုပါတယ်။

ကလေးတွေကလည်း စာကြည့်တိုက်ကနေ စာအုပ်ငှားရင် အနည်းဆုံး ခြောက်အုပ်ငှားလေ့ရှိပါတယ်။ စာဖတ်တာအပြင် ကလေးတွေကို အနုပညာနဲ့ ပတ်သက်တဲ့ အရာတွေကိုလည်း လေ့လာခိုင်းလေ့ ရှိပါတယ်။ ကလေးတွေက စန္ဒရားကို ပိုသဘော ကျတယ်လို့ Chee ကပြောတယ်။ သမီးကြီး An Lyn ကတော့ ဖခင်ရဲ့ အရိပ်အရကို ဆက်ခံလိုတဲ့ ရည်မှန်းချက် ရှိတယ်လို့ ဖွင့်ပြောလာပါပြီ။

ကောင်းခြင်းလော၊ ဆိုးခြင်းလော

စင်္ကာပူ နိုင်ငံက အတိုက်အခံ ခေါင်းဆောင်တဦးရဲ့ ဘ၀က ခက်ခဲလှပါတယ်။ အကြိမ် (၁၀) ကျော် ထောင်ဒဏ် အပြစ်ပေး ခံခဲ့ရသူဖြစ်ပါတယ်။ သူရဲ့ ဇနီးဒေါက်တာ Huang ကတော့ သူမရဲ့ ဘ၀က ပံ့ပိုးပေးသူ အဖြစ်ခံယူထားသူ ဖြစ်ပါတယ်။ သူ့မရဲ့ ခင်ပွန်းက အတိုက်အခံ ခေါင်းဆောင် လုပ်နေချိန်မှာ သူမရဲ့ ကြီးမားတဲ့ အခန်းကဏ္ဍက ထောက်ခံအားပေးသူ၊ ဘေးကနေ ပံ့ပိုးပေးသူ အဖြစ် အကောင်းဆုံး ဆောင်ရွက်သူ ဖြစ်ကြောင်း ပြောဆိုလေ့ရှိပါတယ်။ Chee ကသူ့ရဲ့ နိုင်ငံရေးအတွေး အခေါ်နဲ့ သူ့လုပ်ရပ်တွေက မိသားစု ဘ၀ပုံရိပ်ကို ဖန်တီးတဲ့အခါ အစိတ်အပိုင်း တရပ်အဖြစ် ပါဝင်လေ့ ရှိတယ်လို့ ပြောဆိုခဲ့ပါတယ်။

Chee ဟာ သူ့ကလေးတွေ တိုင်ဝမ်မှာရှိတဲ့ မိခင်ဖက်က အဖိုးတွေဆီသွားလည်ရင် အဖေတဦးအနေနဲ့ အတူလိုက်ပါခွင့် မရှိတာကို သားသမီးတွေကို ရိုးရှင်းစွာနဲ့ ရှင်းပြလေ့ရှိပါတယ်။ အစိုးရဘက်က တရားစွဲဆိမှုတွေနှင့်အတူ နစ်နာကြေးတွေ မပေးနိုင်လို့ လူမွဲစာရင်း ၀င်ခဲ့ရပုံကိုလည်း သားသမီးတွေကို ရိုးသားစွာ ရှင်းပြတတ်သူ ဖြစ်ပါတယ်။

မိသားစု ဘ၀ရဲ့ ပျော်ရွင်မှုကို ရုပ်ပိုင်းဆိုင်ရာနှင့် ဆက်စပ် စဉ်းစားလေ့ မရှိကြောင်းပြောပြပါတယ်။ “ကျနော့် အခန်းက ကျနော့်မိသားစု အရေအတွက်နဲ့ဆို သေးငယ်ပေမယ့် ကျနော့်မိသားစု အတွက်တော့ လုံလောက်ပါတယ်၊ ပျော်ရွင်မှုဆိုတာ မိမိစိတ်အပေါ်မှာ တည်တယ်” လို့ပြောဆိုခဲ့ပါတယ်။

“တခါတလေမှာ ဆုံးဖြတ်ချက်တွေဟာ ဘ၀အတွက် ခါးသီးတဲ့ အရာတွေပါ၊ တကယ်လို့များ အဲဒီလို မလုပ်ခဲ့ဘူးဆိုရင် အမှားတွေက သင်ခန်းစာကိုလည်း ရရှိမှာမဟုတ်ဘူး၊ ဘ၀မှာ ပြီးသွားတဲ့ အရာတွေကို နောင်တ ရမနေဘဲ လေ့လာသင်ယူရမယ် ဘ၀သင်ခန်းစာ အဖြစ်ခံယူမယ်ဆိုရင် တန်ဖိုးရှိပါတယ်” လို့ စင်္ကာပူ နိုင်ငံရဲ့ အတိုက်အခံ ခေါင်းဆောင် Chee Soon Juan မှပြောဆိုခဲ့ပါတယ်။

လှရွှေ

Source by :http://www.maukkha.org/