ထိုင်းနိုင်ငံသို့ အလုပ်သွားလုပ်သူများအတွက် အသိပညာပေးရန် မိုင်းဆတ် ခရိုင်မှူးညွှန်ကြား

ထိုင်းနိုင်ငံသို့ အလုပ်သွား လုပ်မည့် ဒေသခံများအား ထိုင်းနိုင်ငံ အာဏာပိုင်နှင့် လူပွဲစားများ၏ အလိမ်မခံရ အောင် မိမိ ခရီးသွား အထောက်အထားယူဆောင် သွားနိုင်ရေးအတွက် ဆိုင်ရာအာဏာပိုင်များ ကွင်းဆင်း ပညာပေးရန် မိုင်းဆတ် ခရိုင်အုပ်ချုပ်ရေးမှူးက ညွှန်ကြား ထားကြောင်း ဒေသခံဝန်ထမ်းများ ပြောပြချက် အရသိရပါသည်။

မိုင်းတုံမြို့နယ်ဦးစီးမှူးမှတဆင့် ထပ်မံညွှန်ကြားသည့်စာ

“အဲဒီစာထဲမှာက ခရီးသွားရင် အမျိုးသား စိစစ်ရေးကဒ် (မိတ္တူ)၊ အိမ်ထောင်စုစာရင်း(မိတ္တူ)၊ ရဲထောက် ခံစာတွေ ယူဆောင်သွားတတ်ဖို့ပေါ့။ အဆင်ပြေချောမွေ့ဖို့လဲ အစိုးရကနေ အဖွဲ့ ၅ ဖွဲခွဲပြီး လုပ်ခိုင်းနေ တယ်ပြောတယ်။ ဘယ်လိုအဖွဲ့လဲတော့မသိဘူး။ ကျနော်တို့ ပုံပါကျင်မှာတော့ အဲဒီကိစ္စနဲ့ပတ်သက်ပြီး ဟောပြောတာပညာပေးတာ ဘာတခုမှမရှိသေးဘူး” - ဟု ပုံပါကျင် သားတစ်ဦးကပြောပါသည်။

အဆိုပါ ညွှန်ကြားစာတွင် အချက်သုံးချက်ပါရှိကြောင်း - ထိုင်းနိုင်ငံသို့ရောက်ရှိ အလုပ်လုပ်ကိုင်နေသော မြန်မာ အလုပ်သမား သုံးသန်းခန့်ရှိကြောင်း၊ စက်တင်္ဘာလက ရေကြီးမှုကြောင့် မြန်မာနိုင်ငံသို့ပြန်လာသော လူတစ်သိန်းကျော်သည် ယခုအခါရေများလျှော့ကျသွားပြီဖြစ်၍ မြန်မာထိုင်းနယ်စပ်တလျှောက်မှ ထိုင်းနိုင်ငံသို့ပြန်လည်ဝင်ရောက် အလုပ်လုပ် ကိုင်လျှက်ရှိပြီး၊ အဆိုပါ အလုပ်သမားများအား ထိုင်းနိုင်ငံအာဏာပိုင်အချို့နှင့် လူမှောင်ခို များမှ နည်းမျိုးစုံ ဖြင့် ခေါင်းပုံဖြတ် အမြတ်ထုတ်လျှက်ရှိကြောင်း။

အထောက်အထားမရှိသော မြန်မာအလုပ်သမားများအား အထောက်အထားများရရှိအောင် မြန်မာနိုင်ငံမှ လုပ်ငန်းအဖွဲ့ ၅ ဖွဲ့ စေလွှတ်ဆောင်ရွက်ပေးလျက်ရှိပြီး၊ မိမိဒေသအတွင်းမှ ထိုင်းနိုင်ငံသို့သွားရောက်မိသူ များအား နိုင်ငံသားစိစစ် ရေးကဒ် အိမ်ထောင်စုဇယား ရဲထောက်ခံစာ စသည့်အထောက်အထားများ ယူဆောင်သွားနိုင်ရေး အသိပညာပေး လုပ်ငန်းများဆောင်ရွက်ပေးရမည်ဖြစ်ကြောင်း။

သို့ဖြစ်ပါ၍ မိမိမြို့နယ်ခွဲနှင့် ကျေးရွာအုပ်စုအတွင်း အသိပညာပေးမှုများ ဆောင်ရွက်သွားရန် ထပ်မံ ညွှန်ကြားခြင်းဖြစ် ကြောင်း စသဖြင့်ပါရှိပါသည်။

“မိုင်းဆတ်ခရိုင်မှူးညွှန်ကြားတာက ဂျန္နဝါရီ ၁ ရက်၊ မိုင်းတုံမြို့နယ်မှူး ထပ်ဆင့်ညွှန်ကြားတာက ဂျန္နဝါရီ ၂၀ ရက်၊ အဲဒီစာကိုကြည့်ခြင်းအားဖြင့် ထိုင်းနိုင်ငံကို တရားဝင်သွားဖို့ခွင့်ပေးလိုက်တဲ့သဘောဘဲ။ ဒါပေမယ့် ကျနော်တို့ နားကောင်းမူးမှာလဲ အဲဒီပညာပေးရေးကိစ္စတွေ အခုထိ လုပ်ပေးတာမကြားမိသေးဘူး” - ဟု မုန်းထား မြို့ခံတဦးကလဲ ပြောပါသည်။

သျှမ်းပြည်မြောက်ပိုင်း၊ တောင်ပိုင်းမှဒေသခံများမှာ နမ့်ဇန်၊ မိုးနဲ၊ လင်းခေး၊ မိုင်းပန်၊ မိုင်းတုံ၊ ပုံပါကျင်လမ်း မှ နယ်ခြား ဂိတ် BP 1 - ထိုင်းနိုင်ငံသို့ နေ့စဉ်ဝင်နေကြသည်။ မြန်မာစစ်တပ်၊ ရဲ၊ အကောက်ခွန်၊ လူဝင်မှုကြီး ကြပ်ရေး၊ သစ်တော၊ မူးယစ် နှင့် တခြားအစိုးရဝန်ထမ်းများ ဂိတ်ကြေးအများအပြားကောက်ယူသဖြင့် ခရီးသွားတဦးလျှင် ကျပ်နှစ်သိန်းခွဲ ထက်မနည်း ကုန်ကျနေကြောင်း ကားဆရာများက မကြာသေးခင်က သျှမ်းသံတော်ဆင့်သို့ ပြောပြပါသည်။

Source by : သျှမ်းသံတော်ဆင့်သတင်း