စာရေးဆရာမ နိုင်းနိုင်းစနေ နှင့် တွေ့ဆုံခြင်း

အွန်လိုင်းပေါ်မှာတော့ စာရေးသူနဲ့စာဖတ်သူ တိုက်ရိုက် ဆက်ဆံနိုင်တယ်၊ စာရေးဆရာမ နိုင်းနိုင်းစနေနှင့် တွေ့ဆုံခြင်း

၂၀၀၆ ခုနှစ်အချိန်မှ စတင်ပြီး ဘလော့ရေးသားခဲ့ကာ လက်ရှိအချိန်၌ စာရေးဆရာမတစ်ဦး အဖြစ်ပါ ရပ်တည် လျက်ရှိနေသော မနိုင်းနိုင်းစနေအား ဘလော့ရေးသားခြင်းနှင့် ပတ်သက်သည့် မေးခွန်းအချို့ကို အွန်လိုင်းမှတစ်ဆင့် မေးမြန်းခဲ့သည်။ မနိုင်းနိုင်းစနေသည် ၂၀၀၆ ခုနှစ်မှစတင်ပြီး ဘလော့ရေးသားခဲ့သူဖြစ်ကာ ယနေ့အချိန်အထိ www.99sanay.comတွင် ကြည့်ရှုသူအရေအတွက်(hits) ၂၅ သိန်းကျော် ရရှိထားသူဖြစ်ပါသည်။

ထို့အပြင် Facebook လူမှုကွန်ရက် ၀က်ဘ်ဆိုက်၌ ပြုလုပ်ထားသော fan page၌ ပရိသတ် ၁၄၈၇၅ ဦးရရှိထားခဲ့သူ ဖြစ်ပါသည်။ ဘလော့၌ ရေးသားထားသောစာများကို စုစည်းထုတ်ဝေထားသည့် လုံးချင်းစာအုပ် ၁၁ အုပ်လည်း ထွက်ရှိထားခဲ့ပြီးဖြစ်ကာ လက်ရှိအချိန်တွင် အမေရိကန်နိုင်ငံ၌ နေထိုင်လျက်ရှိပါသည်။

မေး ။ ဘလော့ဂါတစ်ယောက်အဖြစ် ဘယ်လို စိတ်ကူးနဲ့ စာတွေကို စရေးဖြစ်ခဲ့လဲ။ အောင်မြင်ရေး နဲ့ တက်ကျမ်းဆန်တဲ့ ဘာသာပြန်စာတွေကို ဘာကြောင့် ဦးစားပေးရေးခဲ့ပါသလဲ။

ဖြေ ။ အရင်တုန်းကတော့ စာဖတ်တာ ပဲ ၀ါသနာပါခဲ့တယ်။ အခုလို စာတွေ ရေးဖြစ်လိမ့်မယ်လို့လည်း စိတ်ကူးမရှိခဲ့ဘူး။ စာတွေ ရှာဖတ်တော့ မြန်မာစာ တွေအပြင် ကိုယ်တတ်ကျွမ်းတဲ့ တခြားဘာသာက စာတွေလည်း ဖတ်ခဲ့မိတယ်။ အဲဒီမှာ ကိုယ်ဖတ်မိတဲ့၊ ကောင်းတဲ့စာတွေကို တခြားဘာသာ စကားမတတ် တဲ့၊ အားနည်းတဲ့ သူငယ်ချင်းတွေကိုလည်း မျှဝေချင်စိတ်တွေ ဖြစ်လာခဲ့တယ်။ အဲဒီလိုနဲ့ မြန်မာလိုကြိုးစား ဘာသာပြန်ကြည့်ရင်းက စာတွေစရေး ဖြစ်ခဲ့ပါတယ်။ မိသားစုနဲ့ခွဲပြီး တခြားနိုင်ငံမှာ ကျောင်းသွားတက်တော့ စိတ်ဓာတ်မြှင့်တင်ဖို့ တက်ကျမ်းဆန်တဲ့ စာမျိုးတွေ ပိုရှာဖတ်ဖြစ်တယ်။ ကိုယ့်ကိုယ်ကိုယ်နှစ်သိမ့်၊ အားပေးတာမျိုး ပေါ့။ အဲဒီလိုစာတွေ ပိုဖတ်ဖြစ်တော့ အဲဒီလိုစာတွေကိုပဲ ပိုဘာသာပြန်ရေး ဖြစ်သွားတာပါ။ ဘလော့ကို ၂၀၀၆ ခုနှစ်မှာ စရေးဖြစ်ခဲ့ပါတယ်။ ဘလော့ စရေးတုန်းက နိုင်ငံခြား ရောက်နေပါတယ်။ အိမ်လွမ်းစိတ်ကြောင့်နဲ့လည်း ကိုယ့်မိသားစုအကြောင်း၊ ရွာအကြောင်း၊ ကိုယ့်ငယ်စဉ်အကြောင်းတွေ ရေးဖြစ် ပါတယ်။ ဘာရည်ရွယ်ချက်မှတော့ မရှိပါဘူး။ တခြားသူနဲ့ ခံစားမျှဝေရုံ သက်သက်ပါပဲ။

မေး ။ နိုင်းနိုင်းစနေ ဘလော့ဟာ လူကြိုက် အများဆုံး ဘလော့တစ်ခုဖြစ်ခဲ့ပါတယ်။ အင်တာနက် သုံးစွဲသူတွေဆီက ဆန္ဒမဲကောက်ယူပြီးရွေး ချယ်ခဲ့ဘလော့အကယ်ဒမီ ဆုတောင်ရခဲ့သေးတယ်။ နောက်ပိုင်းမှာ ဘလော့ရေးနေရာကနေ စာအုပ်ထုတ် ဖြစ်လာတယ်။ အွန်လိုင်းစာဖတ်ပရိသတ်နဲ့ ပြင်ပ စာဖတ်ပရိသတ် ကွာခြားမှုကို ဘယ်လိုမြင်မိပါသလဲ။

ဖြေ ။ စာအုပ်ထုတ်ထားတာ လောလောဆယ် ၁၀ အုပ်ရှိခဲ့ပါပြီ။ ဘလော့ထဲကစာတွေကိုပဲ စာအုပ်အနေနဲ့ ပြန် ထုတ်ထားတာပါ။ အွန်လိုင်းစာဖတ် ပရိသတ်က အခုပဲ ဘလော့မှာ ကျွန်မ စာတစ်ပုဒ်တင်လိုက်တယ်။ အခုပဲ အ ပြင်အဆင်မရှိတဲ့ စာကို (ဆင်ဆာ မတင်တဲ့စာ) သူတို့ လာဖတ်နိုင်တယ်။ သူတို့ခံစားချက်ကို ချက်ချင်းချရေးခဲ့နိုင်တယ်။ အွန်လိုင်းပေါ်မှာတော့ စာရေးသူနဲ့စာဖတ်သူ တိုက်ရိုက်ဆက်ဆံနိုင်တယ်၊ စာတွေကို အခမဲ့ ဖတ်နိုင်သလို ထင်မြင်ချက်ကိုလည်း လွတ်လွတ်လပ်လပ် ချရေးခဲ့နိုင်တာပေါ့။

ပြင်ပစာဖတ်ပရိသတ်က စာရေးသူနဲ့ တိုက်ရိုက်ဆက်ဆံရတာမျိုး မရှိ သလို စာအုပ်ဖတ်ချင်ရင် ၀ယ်ရတယ်၊ ငှားရတယ်။ နောက်ပြီး စာရေးသူကို ကိုယ်ပေးချင်တဲ့ ထင်မြင်ချက်တွေ မြန်မြန်ဆန်ဆန် မပေးနိုင်တာမျိုးပေါ့။ စာ အုပ်ထုတ်ဖို့က ထုတ်ဝေသူတစ်ယောက် နဲ့ သူငယ်ချင်း တစ်ယောက်က မိတ် ဆက်ပေးတယ်။ ထုတ်ဝေသူကလည်း အရင်ကတည်းက ကျွန်မ ဘလော့ကို ၀င်ဖတ်ဖူးတယ်၊ စာတွေကို ကြိုက်တယ်ဆိုလို့ ထုတ်ဖြစ်သွားတာပါ။ ဘလော့မှာ ကိုယ်ရေးထားတဲ့စာကို ပုံနှိပ် စာအုပ်အဖြစ် ခိုင်ခိုင်မာမာ ထုတ်ဝေခွင့်ရတော့ ၀မ်းသာတာပေါ့။

မေး ။ facebook Fan Page မှာ ဆက်ရေး ဖြစ်တဲ့အကြောင်းနဲ့ အွန်လိုင်းသုံးစွဲခြင်းရဲ့အကောင်းအကျိုး အဆိုးအပြစ်တွေပေါ်မှာ ဘယ်လိုမြင်မိပါ သလဲ။

ဖြေ ။ facebook မှာ နယူးယောက်က သူငယ်ချင်း တစ်ယောက်လုပ်ထားပေးတဲ့ fan page လေး တစ်ခုရှိတယ်။် facebook ကို မြန်မာပြည်ကလည်း တိုက်ရိုက် ၀င်ဖတ်နိုင်တာမို့ ဘလော့ က စာတွေကို မဖတ်ရသေးသူတွေ ဖတ် ရအောင်ဆိုပြီး facebook မှာ ပြန်မျှဝေတာပါ။ ဘယ်အရာမဆို မျှသုံးတတ်ရင် အကျိုးရှိတာပေါ့။ အွန်လိုင်း လည်း အဲဒီလိုပါပဲ။ အွန်လိုင်းတက်ချိန် တော်တော်များများကို ဂိမ်းဆော့တာ၊ ချက်တင်လုပ်တာနဲ့ပဲ ပြီးနေရင်အချိန် ကုန်၊ ငွေကြေးကုန်၊ ခါးကိုက်၊ မျက်စိညောင်းတာပဲ အဖတ်တင်တာပေါ့။ တကယ်ဆို အွန်လိုင်းမှာ ရှာဖွေလေ့လာ သင်ယူနိုင်တာတွေက အများကြီး ပါ။

ဖတ်လို့မကုန် သင်ယူလို့မကုန် နိုင်ပါဘူး။ မျှသုံးတတ်ဖို့ပဲ လိုတယ်လို့ ထင်တယ်။ တကယ့် အပြင်လောကမှာတောင် လူကောင်း၊ လူဆိုးခွဲခြားဖို့ ခက်ခဲနေတော့ မျက်နှာမမြင်၊ အသံမကြားတဲ့ အင်တာနက်လောကမှာတော့ လူကောင်းလူဆိုးခွဲခြားဖို့ ပိုခက်ခဲတာ ပေါ့။ facebook မှာ ဓာတ်ပုံတင်လို့ရ တယ်ဆိုပေမယ့် တချို့က ကိုယ့်ပုံအမှန် မတင်ကြတာလဲ ရှိတယ်လေ။ အွန်လိုင်းပေါ်မှာ နာမည်ဝှက်နဲ့ သူတစ်ပါး ကို တိုက်ခိုက် အလွဲသုံးမှုတွေက စိတ်ပိုင်းဆိုင်ရာနဲ့ ဆိုင်တယ် ထင်ပါတယ်။ ဒါဟာ သူတစ်ပါးကို အနှောင့်အယှက် ဖြစ်စေသလို ကိုယ့်စိတ်ဓာတ်ကိုလည်း ပိုအရောင်ညစ်စေပါတယ်။

မေး ။ နိုင်းနိုင်းစနေရဲ့ ပရိသတ်အများစုက လူငယ်တွေဖြစ်နေတယ်။ ကိုယ်ရေးထားတဲ့ စာတွေ ကို အများဆုံးလာဖတ်နေတဲ့ လူငယ်တွေရဲ့ သဘောထားခံယူချက်တွေကို ဘယ်လိုမြင်မိလဲ။

ဖြေ ။ ကျွန်မကအောင်မြင်ရေး၊ တက်ကျမ်းဆန်တဲ့ စာတွေပိုရေးဖြစ်ပြီး လာဖတ်တဲ့ ပရိသတ်အများစုက လူငယ် တွေဖြစ်နေတယ်ဆိုတော့ အခုခေတ် လူငယ်တွေမှာ အောင်မြင်တိုးတက်လို စိတ်၊ ထိုးဖောက်လိုစိတ်၊ ကြိုးစားလို စိတ်တွေ ရှိတယ်လို့ မြင်ပါတယ်။

အခြေအနေအရ ကိုယ့်အရည်အချင်း၊ လုပ်နိုင်စွမ်းတွေကို ထုတ်ဖော်ခွင့်မရ သေးတဲ့ လူငယ်တွေလည်း ရှိပါတယ်။ အဓိကက အဲဒီလို အောင်မြင်တိုးတက်လိုစိတ်၊ ကြိုးစားစိတ် ရှိနေဖို့ပါပဲ။ လူငယ်တွေက တက်ကြွ သွက်လက်တယ်၊ သိလို၊ တတ်လိုစိတ်တွေ ပြင်း ပြတယ်။ အချင်းချင်း ၀ိုင်းဝန်းကူညီ လိုစိတ်တွေ ရှိကြပါတယ်။

မေး ။ အင်္ဂလန်မှာ ကျောင်းတက်ရင်း အလုပ်လုပ်ခဲ့တယ်။ အခု အမေရိကန်ကို ရောက်နေခဲ့တယ်။ ပြည်တွင်းက လူငယ်တွေနဲ့ ပြည်ပက လူငယ်တွေအကြား ဖြတ်သန်းမှု၊ အတွေးအခေါ် စတာတွေကို ပြည်ပမှာ ရောက်ရှိနေသူတစ်ဦးအနေ နဲ့ ဘယ်လိုမြင်မိပါသလဲ။

ဖြေ ။ နေထိုင်ရာ အရပ်ဒေသ၊ ပတ်ဝန်းကျင်အခြေအနေ၊ သင်ကြားတဲ့ ပညာရေး၊ ရိုးရာဓလေ့တွေအပေါ် မူတည်ပြီးပြည်တွင်း၊ ပြည်ပက လူငယ် တွေရဲ့တွေးခေါ်၊ ဖြတ်သန်းမှုတွေ ကွဲပြားကြမယ်လို့ ထင်ပါတယ်။ မြန်မာ ပြည်မှာက တချို့ရှိတယ်။ ဆယ်ကျော်သက်အရွယ် ကျော်လွန်တဲ့ လူတစ်ယောက်ကိုတောင် ကလေးတစ်ယောက် လို ပြောဆိုဆက်ဆံတတ်တဲ့ မိဘတွေ ရှိတယ်။ ဟိုဟာမလုပ်နဲ့ ဒါမလုပ်ရဆို ပြီး စိတ်ပူတားမြစ်တာမျိုး၊ မိဘကိုယ်တိုင် လုပ်ပေးတာမျိုးပေါ့။

အဲဒီလို လုပ်ဖန်များရင် အဲဒီလူဟာ ကိုယ်တိုင် လုပ်ချင်တဲ့စိတ်၊ ကိုယ်တိုင်ဆုံးဖြတ်နိုင် တဲ့စိတ်၊ တွေးတောချင်တဲ့စိတ်တွေ ကျသွားရော၊ ကိုယ့်အရည်အချင်းကို ကိုယ်မမြင်တာမျိုး၊ မသိတာမျိုးဖြစ် သွားတတ်တယ်။ ပြည်ပမှာတော့ များသောအားဖြင့် ကျောင်းမှာ၊ အိမ်မှာ ကလေးတွေရဲ့ အရည်အချင်း၊ လုပ်နိုင်စွမ်းတွေကို အားပေးထုတ်ဖော်ခွင့်တွေ ပေးထားတာမျိုး ရှိတယ်လေ။ လွတ်လပ်တဲ့တွေးခေါ်မှု၊ ဖြတ်သန်းမှုတွေ က လူငယ်တွေရဲ့လုပ်နိုင်စွမ်း၊ အရည်အချင်း၊ မိမိကိုယ်ကိုယ်ယုံကြည်မှုတွေ ကို ပိုတိုးတက် ထက်မြက်စေနိုင်ပါတယ်။ ဒါပေမယ့် ကောင်းတာနဲ့ဆိုးတာ အမြဲဒွန်တွဲနေတဲ့ သဘာဝပါ။

မြန်မာပြည်မှာ မိဘသားသမီး၊ ညီအစ်ကို မောင်နှမတွေက ချစ်ချစ်ခင်ခင် ရင်းရင်းနှီးနှီး ရှိတတ်ကြတယ်။ ပြည်ပမှာ က သတ်မှတ်ထားတဲ့ အသက်အရွယ် အပိုင်းအခြားတစ်ခု ရောက်တာနဲ့ ကိုယ်ပိုင်လွတ်လပ်ခွင့်တွေ ပေးလိုက်တော့ ကိုယ်ပိုင်ဆုံးဖြတ်ပိုင်ခွင့်၊ အတွေးအခေါ် တွေ ရဲရင့်လာတယ်ဆိုပေမယ့် မိသား စုထိတွေ့ဆက်ဆံမှုတွေ အားနည်းလာတာမျိုး၊ ရင်းနှီးချစ်ခင်မှုတွေ လျော့နည်းလာတာမျိုးတွေ ရှိတတ်ပါတယ်။

မေး ။ လက်ရှိလုပ်ဆောင်နေတဲ့ အရာတွေနဲ့ ရှေ့ဆက်လုပ်ဆောင်ဖို့ စီစဉ်ထားတာတွေကို သိချင်ပါတယ်။

ဖြေ ။ လက်ရှိမှာ အသက်မွေးဝမ်း ကျောင်း အလုပ်တစ်ခုလုပ်ရင်း၊ အသက်မွေးဝမ်းကျောင်းနဲ့ဆိုင်တဲ့ သင်တန်းကိုတက်ရင်း စာတွေဆက်ရေးနေပါတယ်။ ရှေ့ဆက်လည်း ဒီလိုပဲ ဘ၀ အတွက် သင်ယူသင့်တာ သင်ယူရင်း၊ အသိဥာဏ်အတွက် စာတွေကို ဖတ်ရင်း စာတွေ ဆက်ရေးနေပါဦးမယ်။
Profile

အမည် နိုင်းနိုင်းစနေ

မွေးနေ့ ဒီဇင်ဘာ ၈ရက်

လူမျိုး လားဟူ

ဘာသာ ဗုဒ္ဓဘာသာ

ဇာတိ တောင်ကြီးမြို့

ထုတ်ဝေထားပြီး စာအုပ်များ

(၁) အမေ့လက်ရေးစာစုများ

(၂) ပျော်ရွှင်ခြင်းရဲ့ လျှို့ဝှက်အမှတ် အောင်မြင်သူရဲ့လမ်း

(၃) လင်းလက်တဲ့ ချစ်မီးအိမ်

(၄) ဟိုတုန်းက အမှတ်တရ

(၅) စမ်းချောင်းလေးရဲ့ခရီးစဉ်

(၆) ဥယျာဉ်ထဲက ပန်းတစ်ပွင့်

(၇) မေတ္တာတို့ ပေါင်းစုရာ

(၈) ရတနာများနှင့် ဆက်သွယ်ခြင်း

(၉) သတ္တိရှိတဲ့ ပထမခြေလှမ်း

(၁၀) နှလုံးသားဝန်ဆောင်မှု

(၁၁) ကျွန်မဖတ်ဖို့

Source by :http://www.news-eleven.com/