ကျွန်ဇာတ် အသွင်းခံနေရတဲ့ အိမ်ဖော် အလုပ်သမားများ

ကွာလာလမ်ပူ ။ ။ အိမ်ဖော်အလုပ်သမားများ မလေးရှာနိုင်ငံသွင်းသို့ ပို့ဆောင်နေ ခြင်းအား တားမြစ်ပေးရန် ကမ်ဘောဒီးယားနိုင်ငံမှ မလေးရှားနိုင်ငံ အလုပ်သမားရေးရာသို့ တိုက်တွန်းသွားခဲ့သည်။ မလေးရှားတွင် အလုပ်သမားများအား ကာကွယ်ပေးမှုအားနည်း နေခြင်းကြောင့် အလုပ်သမားများမှာ ကျွန်သဖွယ် အလွဲသုံးစားပြု ခိုင်းစားခံနေရသော အဖြစ်အပျက်များစွာ အခိုင်အမာ တွေ့ရှိခဲ့သောကြောင့် ဖြစ်သည်။

၂၀၀၉ခုနှစ်အတွင်း ဖြစ်ပွားခဲ့သော လုပ်သားဆိုင်ရာ ပြစ်မှုကျူးလွန်မှုများကြောင့် အိမ်နီးချင်း အင်ဒိုနီးရှား နိုင်ငံမှ မလေးရှားနိုင်ငံအတွင်းသို့ အိမ်ဖော်အဖြစ်သွားရောက် လုပ်ကိုင်မှုကို တားမြစ်ထားခဲ့စဉ် ကတည်းက ကမ်ဘောဒီးယား နိုင်ငံရှိ အမျိုးသမီးများအား မလေးရှားနိုင်ငံတွင်း အိမ်ဖော်အလုပ်သမား အဖြစ် လုပ်ကိုင်ရန် စုဆောင်းထားခဲ့သည်မှာ သောင်းဂဏန်း ရှိခဲ့ပြီ ဖြစ်သည်။

တရားဝင် စစ်တမ်းများအရ ယခုနှစ်အတွင်း ရောက်ရှိလာသော အိမ်ဖော်အလုပ်သမား ၃ သောင်းကျော် အပါအဝင် မလေးရှားနိုင်ငံတွင်း ကမ်ဘောဒီးယား နိုင်ငံသား အိမ်ဖော်အလုပ်သမား ဦးရေ စုစုပေါင်း ၅ သောင်းကျော် ရှိလာပြီဖြစ်သည်။

လွန်ခဲ့သည် လပိုင်းတွင်း မလေးရှား၌ ဖြစ်ပွားခဲ့သော ကမ်ဘောဒီးယား အိမ်ဖော်လုပ်သားတစ်ဦး သေဆုံးမှုအတွက်လည်း တရားခံ ထုတ်ဖော်နိုင်ခြင်း မရှိသေးပါ။ ထိုအချိန်၌ပင် အခြား တရားမဝင် အလွှဲသုံးစားပြုမှုနှင့် ကိုယ်ထိလက်ရောက် ကျုးလွန်မှု ဖြစ်ပွားခဲ့သော အလုပ်သမားတစ်ဦးကိုလည်း ရဲမှ ကယ်တင်ခဲ့ရသည်။

လူ့အခွင့်အရေး လှုပ်ရှားမှုပြုနေသော "တန်နာဂါနိတ" အဖွဲ့အစည်းမှလည်း အလွဲသုံးစားပြု နှိပ်စက်မှုခံခဲ့ရသော ကမ်ဘောဒီးယား အိမ်ဖော် ၄၁ ဦး ကိုကယ်တင်ပေး နိုင်ခဲ့ကြောင်း၊ ၎င်းတို့တွင် အသက် ၁၅ နှစ်အရွယ်သာ ရှိသေးသော ကလေးများလည်း ပါဝင်ကြောင်း၊ အလုပ်သမားများမှာ မတရားနှိပ်စက် ခံရခြင်းနှင့် လုပ်ခလစာများ မရရှိခြင်းတို့ကြောင့် လွန်ခဲ့သည် ၆ လကတည်းက ထွက်ပြေးတိမ်းရှောင် နေရသူများဖြစ်ကြောင်း ပြောကြားခဲ့သည်။

"ယနေ့ခေတ်မှာ နိုင်ငံခြားသား အိမ်ဖော်အလုပ်သမားတွေကို အမှန်တရားဘက်က မကာကွယ်ပေးနိုင်ခဲ့လို့ မတရား ညှင်းပန်းနှိပ်စက်မှုတွေ ကြုံတွေ့နေကြရတယ်။ ကမ်ဘောဒီးယား အိမ်ဖော်လုပ်သားတွေဟာဆိုရင် အတင်းအကျပ် ခိုင်းစေခံရပြီး ကျွန်ဇာတ် အသွင်းခံနေရတယ်ဆိုတာ အခုမျက်မြင်ကိုယ်တွေ့ပါပဲ။"

ဟု အဆိုပါ လူ့အခွင့်အရေးဆိုင်ရာ အဖွဲ့အစည်း ခေါင်းဆောင် ဖာနန်ဒက်ဇ် မှ ပြောကြားခဲ့သည်။

မလေးရှားနိုင်ငံအတွင်း အိမ်ဖော် အလုပ်သမားများအတွက် ကာကွယ်မှုပေးနိုင်သည့် ပိုမိုကောင်းမွန်သော ဥပဒေ မပေါ်ပေါက် လာသေးသရွေ့ အိမ်ဖော်အဖြစ် လာရောက်လုပ်ကိုင်ခွင့်ကို တားမြစ်ကြရန် "တန်နာဂါနိတ" အဖွဲ့အစည်းက ကမ်ဘောဒီးယားနိုင်ငံကို တောင်းဆိုခဲ့ခြင်းဖြစ်သည်။

အရှေ့တောင်အာရှတွင် မလေးရှားနိုင်ငံသည် နိုင်ငံခြားလုပ်သား အများဆုံး ဝင်ရောက်လုပ်ကိုင် နေသော နိုင်ငံဖြစ်ပြီး အင်ဒိုနီးရှား အိမ်ဖော်အလုပ်သမား ၂ သိန်းကျော် ရှိပြီဖြစ်သည်။ မိသားစုများမှာ အိမ်ဖော်များကို ထမင်းချက်ပြုတ်ရန်၊ သန့်ရှင်းရေးပြုလုပ်ရန်နှင့် ကလေး၊ သက်ကြီးရွယ်အိုများကို ပြုစုစောင့်ရှောက်ရန် ခန့်အပ်ထားကြသည်။

မေလအတွင်းက အိမ်ဖော်များအား အလွဲသုံးစားပြု ညှင်းပန်းနှိပ်စက်ခြင်းများကို ထိန်းချုပ်နိုင်ရန်အတွက် မျှော်လင့်ခဲ့ကြပြီး အင်ဒိုနီးရှားမှ အိမ်ဖော်အလုပ်သမားများကို ဝင်ရောက်လုပ်ကိုင်ခွင့် ပိတ်ပင်ခြင်းကို မလေးရှားနိုင်ငံနှင့် တရားဝင် သဘောတူညီမှု ရခဲ့သည်။

ကမ်ဘောဒီးယားနိုင်ငံ အစိုးရမှ မိမိနိုင်ငံသား အလုပ်သမားများ အလွဲသုံးစား ပြုမူခံရမှုအပေါ် စိုးရိမ်ပူပန်ခဲ့ရပြီး တရားဝင် လှုပ်ရှားမှုများနှင့် ထိုပြဿနားများကို ကိုင်တွယ်ဖြေရှင်းသွားမည်ဟု ကွာလာလမ်ပူရှိ ကမ်ဘောဒီးယား သံရုံးအရာရှိ "အန်းဗန်းတာ" မှ ပြောကြားသွားခဲ့သည်။

လွန်ခဲ့သည့် လပိုင်းအတွင်း သေဆုံးမှု ဖြစ်ပွားခဲ့သော ကမ်ဘောဒီးယား အိမ်ဖော် အမျိုးသမီးမှာ နမိုးနီးယား ရောဂါဖြင့် သေဆုံးခြင်း ဖြစ်ကြောင်း ရဲမှ ပြောကြားခဲ့သော်လည်း ကမ်ဘောဒီးယား သံရုံးမှ စုံစမ်းစစ်ဆေးသွားမည် ဖြစ်သည်။

ထိုသေဆုံးခဲ့သည့် အိမ်ဖော် အလုပ်သမားလေးမှာ အလုပ်ရှင်၏ အိမ်အပြင်ဘက်တွင် သေဆုံးနေခဲ့ခြင်း ဖြစ်ပြီး အသက် ၁၅ နှစ်အရွယ်သာ ရှိသေးကြောင်း၊ သူမ၏ နိုင်ငံကူး လက်မှတ်တွင် ဖော်ပြထားသလို အသက် ၂၂ နှစ်မှာ မဟုတ်မှန်ကြောင်း ကမ်ဘောဒီးယား ဥပဒေပြု အရာရှိ "မူဆိုချုးယား" မှ ထုတ်ဖော် ပြောဆိုခဲ့သည်။ မလေးရှားနိုင်ငံတွင်း ဥပဒေအရ အိမ်ဖော်လုပ်သားသည် အနည်းဆုံး အသက် ၂၁ နှစ်အရွယ်ရှိရမည်ဖြစ်သည်။

"ကလေးလုပ်သားများအရေး ကျွန်မတို့ဆွေးနွေးနေရပါပြီ။ ဆင်းရဲတဲ့မိသားစုက ဆင်းသက်လာတဲ့ မိန်းကလေးငယ်တွေရဲ့ နိုင်ငံကူးလက်မှတ်မှာ အသက်လိမ်ပြီး ပြုလုပ်နိုင်အောင် ကြားဝင် ဆောင်ရွက်ပေးသူကို ဖော်ထုတ်ရမယ်"

ဟု ၎င်းအရာရှိမှ ပြောကြားသွားခဲ့သည်။

ရဲများနှင့် လူဝင်မှုကြီးကြပ်ရေး အမှုဆောင်များမှ အဆိုပါ အိမ်ဖော်လေး၏ ဖြစ်ရပ်ကို ချက်ခြင်း အရေးယူဆောင်ရွက် နိုင်ခဲ့ခြင်း မရှိခဲ့ပါဘူး။

"တန်နာဂါနိတ" အဖွဲ့အစည်းမှ အကူအညီပေးနိုင်ခဲ့သော ကမ်ဘောဒီးယား အိမ်ဖော်လုပ်သား ၄၁ ယောက်မှာလည်း အသက် ၂၁ နှစ်အောက်များပင်ဖြစ်သည်။ ၎င်း ၄၁ ယောက်လုံးမှာ အချိန်ပြည့် လုပ်ကိုင်နေခဲ့ကြရပြီး အလုပ်နားရက် မရခဲ့သည့်အပြင် နိုင်ငံကူး လက်မှတ်များကိုလည်း အလုပ်ရှင်များမှ သိမ်းယူထားခဲ့ကြသည်။

အဆိုပါ အသက်မပြည့် အလုပ်သမား ၄၁ ဦးမှ တစ်ဝက်ကျော်မှာ ရုပ်ပိုင်း၊ စိတ်ပိုင်းဆိုင်ရာ ဝေဒနာများခံစားခဲ့ရပြီး ၁၅ဦးမှာ လိင်ပိုင်းဆိုင်ရာ စော်ကားခံခဲ့ရသည်။

၎င်းတို့အတွက် နစ်နာကြေးနှင့် လုပ်အားခများ ရရှိရန်အတွက် "တန်နာဂါနိတ" အဖွဲ့အစည်းမှ အလုပ်ရှင်များနှင့် ဆွေးနွေး ညှိနိုင်မှုများ ပြုလုပ်ခဲ့သည်။ ကလေးများမှာ စိတ်အားငယ်နေကြပြီး အိမ်ပြန်ရန်သာ စိတ်စောနေတဲ့အတွက် ရဲခေါ်၍ ဖြေရှင်းသွားမည် မဟုတ်ကြောင်း အဖွဲ့အစည်း ခေါင်းဆောင် ဖာနန်ဒက်ဇ်မှ ပြောကြားသွားခဲ့သည်။

(bloomberg businessweek မှတဆင့် ဘာသာပြန်ဖော်ပြသည်။)

Source by :http://lannthit.co.nr/