မြန်မာနိုင်ငံသားလုပ်သားများစင်ကာပူအလုပ်အကိုင် ဈေးကွက်တွင်ဒေသတွင်းနိုင်ငံအချို့နှင့်ရင်ဆိုင်နေရ

မြန်မာနိုင်ငံသား လုပ်သားများ သွားရောက် လုပ်ကိုင်လျက်ရှိသော စင်ကာပူ အလုပ်အကိုင်များတွင် အခြား အာရှဒေသတွင်းရှိ လုပ်သားအချို့နှင့် ဈေးကွက် ပြိုင်ဆိုင် နေရသည်ဟု ပြည်ပအလုပ်အကိုင် ကျွမ်းကျင်သူများ၏ အဆိုအရ သိရသည်။

ပြည်ပ အလုပ်အကိုင် ကျွမ်းကျင်သူများ၏ အဆိုအရ မြန်မာနိုင်ငံ လုပ်သားများအနေဖြင့် ဘင်္ဂလားဒေ့ရ်ှနှင့် အိန္ဒိယနိုင်ငံများမှ လုပ်သားများနှင့် အဓိက ဈေးကွက် ပြိုင်ဆိုင်နေရသည်ဟု သိရသည်။ အလုပ်ရရှိမှု ဈေးကွက် ပြိုင်ဆိုင်ရာတွင် ဘာသာစကား ကျွမ်းကျင်မှုသည် အဓိက အရေးပါပြီး၊ ဘင်္ဂလားဒေ့ရ်ှနှင့် အိန္ဒိယနိုင်ငံသားများသည် စင်ကာပူနိုင်ငံတွင် အသုံးပြုလေ့ ရှိသော ဘာသာစကားမျိုး ဖြစ်သောကြောင့် တမီလ်ဘာသာ စကားကို နားလည် တတ်ကျွမ်းအောင် သင်ယူကြသောကြောင့် အလုပ်အကိုင် လုပ်ရာမှာ ပိုမိုအဆင်ပြေကြောင်း သိရသည်။

ထို့ကြောင့် မြန်မာနိုင်ငံသားများ အနေဖြင့် ဈေးကွက်ရရှိမှု အတွက် အခြေခံ အင်္ဂလိပ်ဘာသာစကားကို နားလည် တတ်ကျွမ်းအောင် သေချာသင်ယူပြီးမှ သွားရောက် လုပ်ကိုင်သင့်သည်ဟု ကျွမ်းကျင်သူများက ဆိုသည်။ “လက်ရှိ စင်ကာပူနိုင်ငံ အနေနဲ့က လုပ်သားတွေ ခေါ်ယူတဲ့အခါ စာတွေ့ လက်တွေ့ စစ်ဆေးပြီးမှ ခေါ်ကြတာ များတယ်။ ဒါအပြင် အလုပ်မ၀င်ခင်မှာ လုပ်ငန်းခွင် လုံခြုံရေးနဲ့ ပတ်သက်တဲ့ စာမေးပွဲကို အင်္ဂလိပ်လို ဖြေရတာပါ။

ဒါကြောင့် အခြေခံ အင်္ဂလိပ်ဘာသာစကားကို နားလည် တတ်ကျွမ်းအောင် သင်ထားရင်တော့ အခက်အခဲ မရှိပါဘူး”ဟု ပြည်ပ အလုပ်အကိုင် ရှာဖွေရေး အေဂျင်စီမှ တာဝန်ရှိသူ တစ်ဦးက ပြောသည်။ စင်ကာပူနိုင်ငံသို့ သွားရောက် အလုပ်လုပ်ကိုင်ကြမည့် မြန်မာ လုပ်သားများ အနေဖြင့် အင်္ဂလိပ်ဘာသာစကား အပြင်၊ တရုတ်ဘာသာ စကားကိုလည်း အနည်းငယ် တတ်ကျွမ်းထားရန် လိုအပ်သည်ဟု ၎င်းက ထပ်မံပြောပြခဲ့သည်။

Source : Myanmar News Week