ဒူဘိုင်းသို့ သွားရောက်လုပ်ကိုင်သည့် မြန်မာအမျိုးသမီး အချို့အလုပ်ချိန် လစာအပေါ် လိမ်လည်ခေါ်ယူမှုများ နှင့်ကြုံတွေ့

ဒူဘိုင်းသို့ သွားရောက်လုပ်ကိုင်သည့် မြန်မာအမျိုးသမီး အချို့အလုပ်ချိန်၊ လစာအပေါ် လိမ်လည်ခေါ်ယူမှုများ နှင့်ကြုံတွေ့၊ ပို့ဆောင်ပေးသည့် အေဂျင်စီများ အနေဖြင့် လူကုန်ကူးမှုနှင့် ငြိစွန်းမှုမရှိစေရန် သတိထားရမည့် အခြေအနေဖြစ်လာ

ဒူဘိုင်းမှ စားသောက်ဆိုင်ကြီး အချို့သည် မြန်မာနိုင်ငံတွင်း၌ လာရောက်ဖွင့်လှစ်ထားသော သင်တန်းကျောင်းအချို့ကို ကြားခံထားကာ မြန်မာအမျိုးသမီး အလုပ်သမားအား အလုပ်လစာများကို ဖြစ်သလိုပြော၍ လိမ်လည် ခေါ်ယူမှုရှိလာကြောင်း သွားရောက်မိသူအချို့ထံမှ သတင်းရရှိ ပါသည်။

အင်တာဗျူးဖြေရန် မလို၊ အလုပ်မှာ မည်သည့်အလုပ်ဖြစ်သည်၊ လစာနှင့် အပိုကြေးကို မည်သို့ပေးမည်၊ မည်သို့ နေထိုင်စားသောက်ရမည်ဟု ဆိုကာခေါ်ယူခဲ့သော်လည်း လက်တွေ့တွင် ပေးသည့် အလုပ်ကိုသာ လုပ်ကိုင်ရခြင်း၊ စာချုပ်တွင်ပါသည့်အတိုင်း နေထိုင်စားသောက်ရမှု မရှိခြင်းတို့ကို ကြုံတွေ့ရကြောင်း သိရသည်။

အလိမ်ခံရမယ့် အလုပ်ခေါ်ပုံတစ်ခု
အလုပ်စတင် ခေါ်ယူခဲ့သည့်ပုံစံ အပေါ်သွားရောက်ခဲ့သူတစ်ဦးက "ပြည်တွင်းမှာလာဖွင့်တဲ့ Training Center တစ်ခုရှိပါတယ်။ နိုင်ငံခြားသား ဦးစီးပြီးဖွင့်ပါတယ်။ အဲဒီသင်တန်းကျောင်းက အလုပ်သမား တိုက်ရိုက်မပို့ဘူး။ သူက ပြည်တွင်းက လိုင်စင်ရပြီးသား အေဂျင်စီတွေကို ကြားခံထားပြီး ပို့တာလို့ နောက်မှသိရတယ်။ ဥပမာ အဲဒီသင်တန်းကျောင်းက ဒူဘိုင်းမှာ အမျိုးသမီး အလုပ်သမား လိုတယ်ဆိုရင် ပြည်တွင်းက လိုင်စင်ရ အေဂျင်စီတွေကို ခွဲပြီးအပ်လိုက်တယ်။ သူက တစ်ဦးပို့ရင် အမေရိကန်ဒေါ်လာ ၅၅၀ ရတယ်လို့သိရတယ်။ သူ အလုပ်သမားရှာခိုင်းလိုက်တဲ့ ပြည်တွင်း အေဂျင်စီတွေကတော့ သူတို့ဟာ သူတို့ ဒေါ်လာ ၂၅၀ ယူတာရှိတယ်။ ၄၀၀ ယူတာရှိတယ် အမျိုးမျိုးယူကြတယ်။ အဲဒီလို ကြားခံထားပြီး ခေါ်တယ်။ ကျွန်မကတော့ Restaurant မှာ လုပ်ရမယ်ဆိုလို့ အင်တာဗျူးပြီး သွားလိုက်ပါတယ်။ နှစ်ပတ်အတွင်းမှာပဲ ဒူဘိုင်းကိုသွားခွင့်ရတယ်"ဟု ပြောပြခဲ့သည်။

ပေးတဲ့အလုပ်ပဲလုပ် မလုပ်ရင် လျော်ပြီးမှပြန်
သွားရောက်ပြီးနောက် ရရှိသည့် အလုပ်နှင့်ပတ်သက်၍ ၎င်းက "ကျွန်မတစ်ဦးတည်း သွားရမယ်ထင်တာ လေဆိပ်ရောက်မှ မြန်မာ အမျိုးသမီးငါးယောက် ဖြစ်နေတယ်။ အေဂျင်စီတွေ ခွဲအပ်ထားတဲ့ သဘောပေါ့။ ကျွန်မတို့ ငါးယောက် တစ်ဖွဲ့တည်း သွားရတာပေါ့။ ကျွန်မက စာချုပ်ထဲမှာပါတဲ့ Restaurant မှာ မလုပ်ရဘဲ Fast Food ဆိုင်လေးမှာပဲ ပေးတဲ့အလုပ်လုပ်ရတယ်။ သူတို့လည်း အဲဒီလိုပဲ ခေါ်တုန်းကပြောတဲ့ အလုပ်မဟုတ်ဘဲ သူတို့ပေးတဲ့ အ လုပ်လုပ်ရတယ်။ ကျွန်မတို့ကို အခက်အခဲရှိရင် ဆက်သွယ်ဖို့ပေးလိုက်တဲ့ ဒူဘိုင်းဘက်က အေဂျင်စီကတော့ ဘယ်လောက်ပဲ ဆက်သွယ်ဆက်သွယ် လာမတွေ့ဘူး။ အတွေ့မခံဘူး။ ဒီလိုနဲ့ သူ့ကိုစောင့်နေရင်း ကျွန်မနဲ့အတူ တူလာတဲ့ အမျိုးသမီးလေးဦးက အလုပ်ပါမစ်ကျလာတယ်။

အဲဒီမှာ အလုပ်ပါမစ်ကျလာပြီးမှ ပြန်မယ်ဆိုရင် ကျပ် ၁၈ သိန်းလျော်မှ ပြန်လို့ရတယ်လို့ သိရတယ်။ ဒီတော့ အဲဒီလေးယောက်ကတော့ ၁၈ သိန်း မလျော်နိုင်လို့ ပေးတဲ့အလုပ်ပဲ ဆက် လုပ်ပြီး ကျန်ခဲ့တယ်။ ကျွန်မကတော့အိမ်နဲ့ အဆက်အသွယ် ရတဲ့အတွက် အလုပ်အနေအထားနဲ့ နေထိုင်ရပုံတွေကို ပြောပြလို့ အိမ်က ချက်ချင်းပဲ အေဂျင်စီကိုသွားပြောပြီး လေယာဉ်လက်မှတ်ဖိုးသွင်းပြီး ပြန်ခေါ်ခဲ့ လို့ ပြန်ရောက်လာတာပါ။ ထူးခြားတာက ကျွန်မနဲ့အတူသွားခဲ့တဲ့ လေးဦးထဲမှာ တချို့က လုံးဝအင်တာဗျူး စရာမလိုဘဲ သွားရမယ်ဆိုလို့ လိုက်လာတာလို့ ပြောတယ်"ဟု ၎င်းက ဆက်လက်ပြောကြားခဲ့ပါသည်။

မလုံခြုံတဲ့နေရာမှာ ထားတယ် . . .
စာချုပ်ပါအတိုင်း နေထိုင်စားသောက်ရမှု မရှိသည့်အပေါ် ၎င်းက "အလုပ်ချိန်က သဘောတူ စာချုပ်ထဲမှာပါတဲ့ အချိန်ထက် ၂ နာရီ ၃ နာရီ ပိုလုပ်ရတယ်။ စရိတ်ငြိမ်းလို့ ပြောပြောထားပေမယ့် ကိုယ့်ဟာကိုယ် ချက်ပြုတ် စားသောက်ရတယ်။ နေစရာကိုတော့ မကောင်းတာလုပ်စားတဲ့ နိုင်ငံစုံက အမျိုးသမီးအများစုနေတဲ့ ရပ်ကွက်မျိုးမှာ နေစရာပေးတယ်။ ဈေးသက်သာလို့ အဲဒီလိုနေရာမှာပဲ ထားတာလို့သိရတယ်။ တချို့က ပြန်လာချင်တယ်ဆိုပေမယ့် သူတို့ အလုပ်လုပ်မယ့် ၀န်ဆောင်ခ ကုန်ကျစရိတ်ကို မြန်မာနိုင်ငံမှာကတည်း က ချေးယူပြီး လာခဲ့ရတာလို့ ပြောတယ်။ ဒီတော့ မလုံခြုံဘူး၊ ဒုက္ခ ရောက်တယ် ဆိုပေမယ့်လည်း သည်းညည်းခံပြီး ဆက်လုပ်ရတာလို့ ပြောတယ်" ဟု ပြောပြခဲ့သည်။

ဒူဘိုင်းမှာရှိတဲ့ဟိုတယ်က ခေါ်တယ်ဆိုရင် အဲဒီဟိုတယ်ရဲ့ ဧရိယာ မန်နေဂျာပဲဖြစ်ဖြစ်၊ တာဝန်ရှိသူပဲဖြစ်ဖြစ် သူကိုယ်တိုင် မြန်မာပြည်အရောက် အင်တာလာဗျူးပြီးမှ ခေါ်လေ့ရှိတယ်။ သူနဲ့ပဲ စာချုပ်ရတယ်။ အဲဒီလိုမဟုတ်ဘူး ဆိုရင်တော့ သတိထားသင့်တယ်။ နောက်လစာကို ကြည့်ပြီးတော့လည်း ခွဲခြားလို့ရ တယ်။ အင်တာဗျူးစရာမလိုဘဲ အလုပ်ရမယ်ဆိုရင်တော့ မလုပ်သင့်ဘူး။ မလာသင့်ဘူး ..


ပြည်တွင်းက လိုင်စင်ရအေဂျင်စီတွေကို ကြားခံထားပြီး အသုံးချ လာတယ် . . .
ပြည်တွင်းရှိ လိုင်စင်ရ အေဂျင်စီများ အသုံးချခံရသည့် ပုံစံမျိုးမဖြစ်စေရန် သတိပြုသင့်သည့်အပေါ် လိမ်လည်ခံရသူနှင့် ဦးလေးတော်စပ်သူ ကလည်း"ကျွန်တော်က ပြန်ခေါ်ပေးပါလို့ အေဂျင်စီကို ပြောတော့မှ အေဂျင်စီက တစ်ဖက်နိုင်ငံက အေဂျင်စီ နဲ့ တိုက်ရိုက်လုပ်တာမဟုတ်ဘဲ ပြည်တွင်းမှာလာဖွင့်တဲ့ သင်တန်းကျောင်း တစ်ခုက ကော်မရှင်စားပေးတာကို လက်ခံလုပ်ပေးမှန်း သိရတယ်။

တကယ်လို့သာ အမှုအခင်းဖြစ်ပြီဆိုရင်တော့ ခံရမှာက သင်တန်းကျောင်း မဟုတ်ဘဲ ကော်မရှင်စားလုပ်မိတဲ့ အေဂျင်စီတွေပဲဆိုတာ ကျွန်တော်တို့ ပြည်တွင်းက လိုင်စင်ရအေဂျင်စီတွေ သတိထားသင့်တယ်။ ကျွန်တော်က သူတို့ချုပ်ထားတဲ့စာချုပ်နဲ့ မကိုက်ညီတဲ့အတွက် ပြန်ခေါ်မယ်။ မရရင် ကျွန်တော် အမှုဖွင့်မယ် ပြောတော့မှ ပြန်ခေါ်ဖို့လုပ်ပေးတာ ဖြစ်တယ်။ ဒါတောင်မှ ကျွန်တော့်တူမက အလုပ်လုပ်ခွင့် ပါမစ်မကျသေးလို့ လေယာဉ်စရိတ်ပေး ပြန်ခေါ်လို့ရတာ။ ကျန်တဲ့သူတွေက ပါမစ်ကျပြီးဖြစ်လို့ စာချုပ်သဘောအရ ကျပ် ၁၈ သိန်းလျော်ရမယ့် ကိန်းဆိုက်လို့မလာနိုင် ဖြစ်သွားပြီပေါ့။ အခုဖြစ်တဲ့ သင်တန်းကျောင်းက ဖွင့်တာသိပ်မကြာသေးဘူးလို့ သိရတယ်"ဟု ပြောကြားခဲ့သည်။

ပုံမှန်အတိုင်းခေါ်တဲ့အလုပ်ပဲ သတိထားရွေးပါ
ထို့အတွက် မြန်မာအမျိုးသမီးများ အနေဖြင့် အလုပ်၊ လစာ၊ အချိန် ပိုကြေး၊ အလုပ်ချိန်များ မှန်မှန်ကန်ကန်ဖြင့် ရရှိနိုင်သည့် အလုပ်ခေါ်ယူမှု မျိုးမဟုတ်သည့် ပုံစံများကို ရှောင်ရှားသင့်ပြီး သွားလာမည်ဆိုပါက ပုံမှန် ခေါ်ယူမှုမျိုးဖြင့်သာ သတိပြုသွားလာရန် လိုသည်ဟု ဒူဘိုင်းရှိ ဟိုတယ်တစ်ခုတွင် လုပ်ကိုင်နေသော မြန်မာအမျိုးသမီးများက ပြောကြားခဲ့သည်။ "ဒူဘိုင်းမှာရှိတဲ့ဟိုတယ်က ခေါ်တယ်ဆိုရင် အဲဒီဟိုတယ်ရဲ့ ဧရိယာ မန်နေဂျာပဲဖြစ်ဖြစ်၊ တာဝန်ရှိသူပဲဖြစ်ဖြစ် သူကိုယ်တိုင် မြန်မာပြည်အရောက် အင်တာလာဗျူးပြီးမှ ခေါ်လေ့ရှိတယ်။ သူနဲ့ပဲ စာချုပ်ရတယ်။ အဲဒီလိုမဟုတ်ဘူး ဆိုရင်တော့ သတိထားသင့်တယ်။ နောက်လစာကို ကြည့်ပြီးတော့လည်း ခွဲခြားလို့ရ တယ်။ အင်တာဗျူးစရာမလိုဘဲ အလုပ်ရမယ်ဆိုရင်တော့ မလုပ်သင့်ဘူး။ မလာသင့်ဘူး။ အဲဒါဆိုရင်တော့ သန့်ရှင်းရေးတို့၊ ပန်းကန်ဆေးတို့ ရတာများလိမ့်မယ်။ ဒူဘိုင်းက ဟိုတယ်တွေ၊ ကုမ္ပဏီတွေက အလုပ်ခေါ်တယ်ဆိုရင် လုံးဝမှတ်ထားရမှာ က အင်္ဂလိပ်စာကျွမ်းကျင်မှ ခေါ်လေ့ရှိတယ်။ ဘာမှမလိုဘူး၊ သွားလို့ ရတယ်လို့ ပြောရင်တော့ စောစောက အလုပ်မျိုးပဲရမယ်။ လစာပေါ်မှာလည်း ဆန်းစစ်နိုင်တယ်။ အခုမှ အလုပ်စလုပ်မယ့်သူဆို ဒူဘိုင်းငွေ ၂၅၀၀ ကနေ ၃၀၀၀ ကြား၊ ၃၅၀၀ ကနေ ၄၀၀၀ ကြား အရည်အချင်း အလိုက် ဒီနှုန်းဝန်းကျင်နဲ့ ခေါ်လေ့ရှိတယ်။ အဲဒါဆိုရင် ဟိုတယ်မှာ အမျိုးသမီးဝန်ထမ်းအလုပ် အမှန်အကန်ပဲ။ ဒီလိုမှမဟုတ်ဘဲ အရမ်းများနေတာပဲ ဖြစ်ဖြစ်၊ နည်းနေတာပဲ ဖြစ်ဖြစ်ကြုံရင်တော့ သတိပြုတာ ကောင်းပါတယ်။ ဒါကဒီမှာ ကုမ္ပဏီ တွေပေးနေကျနှုန်းပါ"ဟု ဒူဘိုင်းရောက် မြန်မာအမျိုးသမီးတစ်ဦးကလည်း ရှင်းပြခဲ့ပါသည်။

"ပုံမှန်အတိုင်းပဲ အင်တာဗျူးပြီး ခေါ်မယ်ဆိုရင်တော့ ဒီမှာအဆင်ပြေ ကြပါတယ်။ ဒါပေမယ့် အင်တာဗျူး စရာမလိုဘူး၊ နောက်တကယ့် အလုပ်ရှင်လွှတ်တဲ့ ကုမ္ပဏီတာဝန်ရှိသူ မဟုတ်ဘဲ တခြားသူတစ်ဦးက ဖြစ်သလို အင်တာလာဗျူးမယ်၊ လစာတွေကို မတန်တဆပေးမယ်ပြောပြီး မက်လုံးပေးတဲ့အရာတွေနဲ့ ခေါ်တဲ့ အလုပ်မျိုးဆိုရင်တော့ သတိထားရမှာပေါ့။ ပုံမှန်အတိုင်း သွားလာလုပ်ကိုင် တဲ့သူကတော့ ပြောတဲ့အလုပ်ရတယ်၊ ပြောတဲ့လစာရပါတယ်"ဟု ဒူဘိုင်းရောက် မြန်မာအမျိုးသမီးတစ်ဦးက လည်း ထပ်မံရှင်းပြခဲ့သည်။

ကြားခံအနေနဲ့ အသုံးချခံရနိုင်တဲ့ ပြည်တွင်းအေဂျင်စီတွေ သတိပြုရမယ့် လူကုန်ကူးမှုဆိုတာ
လူကုန်ကူးမှုဆိုသည်မှာ ပုဂ္ဂိုလ်တစ်ဦးဦးသည် အခြားသူတစ်ဦးတစ်ယောက်ကို ထိုသူ၏ သဘောတူညီချက် ရှိသည်ဖြစ်စေ၊ မရှိသည် ဖြစ်စေ၊ ခေါင်းပုံဖြတ်ခြင်းပြုရန် အလို့ငှာ ခြိမ်းခြောက်ခြင်း၊ အင်အားသုံးခြင်း သို့မဟုတ် အခြားနည်းဖြင့် အနိုင့်ထက်ပြုခြင်း၊ သွေးဆောင် ခေါ်ယူခြင်း၊ လိမ်လည်ခြင်း၊ လှည့်ဖြားခြင်း၊ အခွင့်အာဏာကို အလွဲသုံးစားပြုခြင်း သို့မဟုတ် ဘ၀ရပ်တည်ရန် ခက်ခဲနေသောအခြေအနေကို အလွဲသုံးစားပြုခြင်း၊ တစ်ဦးတစ် ယောက်အပေါ် ချုပ်ကိုင်နိုင်သော သူ၏ သဘောတူညီချက်ရရှိရန် ငွေ ကြေး သို့မဟုတ် အကျိုးအမြတ်ကို ပေးခြင်းသို့မဟုတ် လက်ခံရယူခြင်း၊ ပြုလုပ်ပြီး လူများကို သိမ်းသွင်းစု ဆောင်းခြင်း၊ သယ်ယူပို့ဆောင်ခြင်း၊ လွှဲပြောင်းခြင်း၊ ရောင်းချခြင်း၊ ၀ယ်ယူခြင်း၊ ငှားရမ်းခြင်း၊ ခိုလှုံခွင့်ပေးခြင်း သို့မဟုတ် လက်ခံခြင်း တို့ကို ဆိုကြောင်း လူကုန်ကူးမှုတားဆီး ကာကွယ်ရေးဥပဒေအရ သိရသည်။

ခေါင်းပုံဖြတ်ခြင်း ဆိုရာတွင် ပုဂ္ဂိုလ်တစ်ဦးသည် အခြားသူတစ်ဦး တစ်ယောက်အား ပြည့်တန်ဆာပြုခြင်း၊ အခြားတစ်နည်းနည်းဖြင့် ကာမဆိုင်ရာကိစ္စပြုလုပ်ခြင်း၊ အဓမ္မ အလုပ်ခိုင်းစေခြင်း၊ အဓမ္မ၀န်ဆောင် မှုပေးစေခြင်း၊ ကျွန်ပြုခြင်း၊ကျေးကျွန် ကဲ့သို့ ခိုင်းစေခြင်း၊ ကြွေးမြီဖြင့် နှောင်ဖွဲ့ခိုင်းစေခြင်းကိုဖြစ်စေ၊ သူတစ်ပါး ခန္ဓာကိုယ်အစိတ်အပိုင်းအား ထုတ်ယူဖယ်ရှားခြင်း၊ ရောင်းချခြင်းကို ဖြစ်စေပြုရာမှ ငွေကြေးကိုသော်လည်းကောင်း အကျိုးအမြတ် တစ်စုံတစ်ရာကိုသော်လည်းကောင်း လက်ခံရယူခြင်းသို့မဟုတ် လက်ခံရယူရန် သဘောတူခြင်း ပါဝင်ကြောင်း လူကုန်ကူးမှု တားဆီးကာကွယ်ရေး ဥပဒေအရ သိရသည်။

ထို့ပြင် ပြည့်တန်ဆာပြုခြင်းဆိုသည်မှာ ငွေကြေးအကျိုးအမြတ် သို့မဟုတ် အခြားအဖိုးစားနားတစ်ခုခု အတွက်ကာမစပ်ယှက်ရန် သို့မဟုတ် ကာမရာဂစိတ်ပေါ်ပေါက်ရန် အလို့ငှာပုဂ္ဂိုလ်တစ်ဦးကို အခြားတစ်ဦးက တစ်စုံတစ်ရာပြုလုပ်ခြင်း၊ အသုံးပြုခြင်း၊ ဆက်ဆံခြင်း သို့မဟုတ် အစီအစဉ်ချမှတ် ဆောင်ရွက်ခြင်းကို ဆိုကြောင်း လူကုန်ကူးမှုတားဆီး ကာကွယ်ရေးဥပဒေပါ ရှင်းလင်းချက် အရ သိရပါသည်။

"အခုက ကြားခံအနေနဲ့ အသုံးချခံရနိုင်တဲ့ အနေအထားဖြစ်လာပြီ။ ပင်ရင်းကို မသိရဘဲ ကြားခံအဆင့်ဆင့်နဲ့ လုပ်လာတာလေ။ ဒီလိုအနေ အထားကနေ တစ်ဖက်က ထပ်ထပ်ပြီး လိမ်မခေါ်ဘူးလို့ မပြောနိုင်ဘူး။ သူတို့ကလည်း ပြဿနာပေါ်ရင် ငါပို့တာမဟုတ်ဘူး လိုင်စင်ရပြီးသား က ပို့တာဆိုတာမျိုးလုပ်မှာပဲ။ ဒီတော့ အေဂျင်စီတွေအနေနဲ့ ကိုယ်တိုက်ရိုက် တာဝန်မခံနိုင်တဲ့ကိစ္စမျိုးတွေကို သတိထားသင့်လာပြီ"ဟု ပြည်ပသို့ မကြာခဏ သွားရောက်လုပ်ကိုင်ဖူးသူ တစ်ဦးကလည်း ပြောကြားခဲ့သည်။

အထက်တန်းရှေ့နေတစ်ဦး က လည်း "လက်ရှိမှာ တရုတ်နဲ့ထိုင်း နိုင်ငံဘက်ကို လူကုန်ကူးခံရတာ အများဆုံးပါပဲ။ တခြားနိုင်ငံတွေဘက်ကိုလည်း မြန်မာလူမျိုးတွေ လူကုန်ကူးခံရတာ လုံးဝမရှိခဲ့ဘူးလို့ အတိအကျပြောဖို့ ခက်ပါတယ်။ လူကုန်ကူးခံရတဲ့လူကိုယ်တိုင်က ကိုယ့်ကို လူကုန်ကူးတယ်ဆိုတာ မသိလို့ သက်ဆိုင်ရာကို မတိုင်ကြားနိုင်ဘဲ သက်ဆိုင်ရာက မသိရတဲ့ဖြစ်ရပ်တွေ လည်းရှိနိုင်ပါတယ်။ အခု ဒူဘိုင်း ကိုလည်း မြန်မာမိန်းကလေးတော် တော်များများက သွားပြီးအလုပ်လုပ်နေကြပါတယ်။ ထပ်သွားဖို့လည်း ကြိုးစားသူတွေ ရှိနေပါတယ်။ ဒါကြောင့် ဒူဘိုင်းမှာ မြန်မာမိန်းကလေးတွေ လူကုန်ကူးခံရတဲ့ ပုံစံမျိုးမဖြစ်ဖို့တော့ သတိပြုရမယ့် အနေအထား ဖြစ်လာပါတယ်။ လူကုန်ကူးမှုမြောက် တယ်မမြောက်တယ် ဆိုတာကတော့ လူကုန်ကူးမှုတား ဆီးကာကွယ်ရေး ဥပဒေမှာပါတဲ့ လူကုန်ကူးမှုအဓိပ္ပာယ် ဖွင့်ဆိုချက်နဲ့ ငြိစွန်းနေမယ်ဆိုရင် လူကုန်ကူးမှု မြောက်တယ်ဆိုတာ သိထားသင့်ပါတယ်"ဟု အကြံပေးခဲ့ပါသည်။

မြန်မာအမျိုးသမီးများဖြစ်စေ အမျိုးသားများဖြစ်စေ မည်သူမဆို ပြည်တွင်း၌ အလုပ်အကိုင် ပေါများခြင်းမရှိသည့်တွက် ပြည်ပထွက်ခွာ လုပ်ကိုင်ရခြင်း၊ ပြည်ပသို့မဖြစ်မနေ သွားရောက်လုပ်ကိုင်ရခြင်း ဖြစ်သည့်အတွက် ပို့ဆောင်ပေးသည့် အေဂျင်စီများအနေဖြင့် ၀န်ဆောင်ခထက်မိမိတို့ လူမျိုးအလုပ်သမားများ မထိခိုက်ရေးကိုလည်း ဦးစားပေးသင့်သည်ဟု သွားရောက်သူများက ဆိုပါသည်။

http://www.news-eleven.com/