ကမ္ဘာ့ဖလားတွင် စပိန် ဗိုလ်စွဲမည်ဟု စိတ်တန်ခိုးရှင် ရေဘ၀ဲ ပေါလ် ဟောကိန်းထုတ်ပြီ

၂၀၁၀ ကမ္ဘာ့ဖလား ပွဲစဉ်များကို ရာနှုန်းပြည့် မှန်ကန်စွာ ခန့်မှန်းပေး နေသည့် ရေဘ၀ဲ ပေါလ်သည် စပိန် အသင်း ဗိုလ်လုပွဲ၌ အနိုင်ရကာ ဗိုလ်စွဲလိမ့်မည်ဟု ခန့်မှန်းလိုက် ပြန်ကြောင်း သိရသည်။

ပေါလ်သည် ယခုနောက်ဆုံး ကမ္ဘာ့ဖလား ဗိုလ်လုပွဲ အတွက် စပိန်နှင့် ဟော်လန် ၂ သင်း ထဲမှ အနိုင်ရမည့် အသင်းကို ရွေးချယ်စေခဲ့ရာ စပိန် အသင်းကို ရွေးချယ် လိုက်ခြင်း ဖြစ်ကြောင်း သိရသည်။ ထို့ကြောင့် ဟော်လန် ပရိသတ် များသည် အဆိုပါ ခန့်မှန်းချက် အတွက် စိတ်ပျက် နေကြပြီး ရေဘ၀ဲ၏ ဟောပြောချက်များ မှားယွင်း ပါစေရန် ဆုတောင်းနေ ကြရကြောင်း သိရသည်။ ရေဘ၀ဲ ပေါလ်သည် ပြီးခဲ့သည့် ယူရို ၂၀၀၈ ပွဲစဉ်များကို ခန့်မှန်း စေခဲ့စဉ်က နောက်ဆုံး ဗိုလ်လုပွဲ၌ ဂျာမနီနှင့် စပိန် တွေ့ဆုံရာ ဂျာမနီ အနိုင်ရမည်ဟု တစ်ကြိမ် တခါ မှားယွင်းစွာ ခန့်မှန်းခဲ့ဖူးသည်။

ဂျာမနီ နိုင်ငံတွင် မွေးမြူထားသော အဆိုပါ ရေဘ၀ဲသည် ဂျာမနီ အသင်း၏ ပွဲစဉ်များကိုသာ ခန့်မှန်ပေးလေ့ ရှိသော်လည်း ယခု တစ်ကြိမ်တွင် ဂျာမနီ အသင်း မပါသည့် ပွဲစဉ် တစ်ခုကို ပထမဆုံး ခန့်မှန်းပေး ခဲ့ခြင်း ဖြစ်သည်။ သို့သော် ၎င်းတို့ ဂျာမနီ အသင်း ပါဝင်သည့် ဥရုဂွေးနှင့် တတိယ နေရာလုပွဲ ကိုလည်း တပါတည်း ခန့်မှန်း ပေးခဲ့ပြီး ဂျာမနီ အသင်းသာ အနိုင်ရ လိမ့်မည်ဟု ရွေးချယ်ခဲ့ ကြောင်းလည်း သိရသည်။

အဆိုပါ ရေဘ၀ဲ ပေါလ်သည် ယခုနှစ် ကမ္ဘာ့ဖလား ပြိုင်ပွဲတွင် ဂျာမနီ အသင်း၏ ပွဲစဉ် ၆ ပွဲ ခန့်မှန်းပေး ခဲ့ရာ ၆ ပွဲစလုံး ရာနှုန်းပြည့် မှန်ကန်ခဲ့သူ ဖြစ်သည်။ ၎င်း၏ ခန့်မှန်းပုံမှာ မှန်ပုံး ၂ ခု ၌ ယှဉ်ပြိုင်မည့် အသင်း ၂ သင်း၏ အလံများ ကပ်ထားပြီး အထဲတွင် ကမာကောင် တစ်ကောင်စီ ထည့်သွင်းကာ ရွေးချယ်ခြင်း ဖြစ်သည်။ ရေဘ၀ဲ ပေါလ် နှိုက်ယူ စားသုံးသည့် ကမာကောင် ထည့်ထားသော မှန်ပုံးတွင် ကပ်ထားသည့် အလံပိုင်ရှင် အသင်းသည် အမြဲ အနိုင်ရလေ့ ရှိသည်ကို တွေ့ရသည်။ ထို့ကြောင့် ရေဘ၀ဲ ပေါလ်၏ ခန့်မှန်းရွေးချယ်မှုကို ဂျာမနီ ရုပ်သံ n-tv ကပင် အစီအစဉ် တစ်ခု အနေဖြင့် တိုက်ရိုက် ရိုက်ကူးပြသ နေရကြောင်း သိရသည်။

http://www.soccermyanmar.com/