မခိုင်ရွှန်းလဲ့ရည် သေဆုံးမှုနှင့် ပတ်သက်၍ နောက်ဆက်တွဲ သတင်း ...

မြန်မာနိုင်ငံ ဆေးကောင်စီက ဆုံးဖြတ်ချက် တစ်ရပ် ချမှတ် အဆိုပါ ခွဲစိတ်ကု ဆရာဝန်ကြီးအား ဆေးကုသခွင့် လိုင်စင် (၅)နှစ် ရပ်စဲရန် (De-licensing) ဆုံးဖြတ်၊ ရန်ကုန်မြို့ရှိ ပုဂ္ဂလိက အထူးကု ဆေးခန်းတစ်ခုတွင် လူနာ မခိုင်ရွှန်းလဲ့ရည် သေဆုံးမှုနှင့် ပတ်သက်၍ မြန်မာနိုင်ငံ ဆေးကောင်စီ၏ ဆုံးဖြတ်ချက် ဤကိစ္စနှင့် ပတ်သက်၍ မြန်မာနိုင်ငံ ဆေးကောင်စီမှ စုံစမ်း စစ်ဆေးခဲ့ပြီး အောက်ပါ အတိုင်း သုံးသပ်၍ ဆုံးဖြတ်ချက်များ ချမှတ်လိုက်သည်။ (၁)ခွဲစိတ်ကုသခဲ့သော ဆရာဝန်ကြီးသည် (က) လုပ်မှား ကိုင်မှား ဆုံးဖြတ်ချက်မှားခြင်း (Clinical Mistakes) (ခ) လူနာလုံခြုံမှုအတွက် မခွဲစိတ်ခင်နှင့် ခွဲစိတ်ပြီး လုံလောက်သော ဆောင်ရွက်မှု အားနည်းခြင်း (Pre-operative and Post-operative Assessment) (ဂ) တာဝန်ယူမှုနှင့် တာဝန်ခံမှု အားနည်းခြင်း (Responsibility and Accountability)တို့ကို တွေ့ရှိရပါသည်။ သို့ပါ၍ မြန်မာနိုင်ငံ ဆေးကောင်စီမှ အဆိုပါ ခွဲစိတ်ကုဆရာဝန်ကြီးအား ဆေးကုသခွင့် လိုင်စင် (၅)နှစ်ရပ်စဲရန် (De-licensing) ဆုံးဖြတ်သည်။

(၃) ၄င်းဖြစ်စဉ် ဖြစ်ပွားခဲ့သည့် အထူးကု ဆေးခန်းကြီးတွင်လည်း လူနာအား ကျန်းမာရေး စောင့်ရှောက်မှုပေးရာတွင် ထိရောက်မှုနှင့် လုံခြုံမှုရှိသော စနစ်နှင့် လုပ်ကိုင်ချက်များ အားနည်းနေသည်ကို တွေ့ရှိရပါသည်။ သို့ပါ၍ အဆိုပါ အထူးကုဆေးခန်းအား နောက်နောင် အလားတူကိစ္စများ မဖြစ်ပေါ်စေရန် (က) ပြင်းထန်စွာ သတိပေးရန်နှင့် လူနာရှင်အား တောင်းပန်စေရန် ဆုံးဖြတ်သည်။ (ခ) လုံခြုံစိတ်ချရ၍ အရည်အသွေး ပြည့်မီသော ကျန်းမာရေးစောင့်ရှောက်မှုစနစ် (Safe and competent health care system) ကို စီစဉ်ဆောင်ရွက်ထားရေးအတွက် သတိပေးဆုံးဖြတ်သည်။ ရန်ကုန်မြို့ရှိ ပုဂ္ဂလိက အထူးကုဆေးခန်းတစ်ခုတွင် လူနာ မခိုင်ရွှန်းလဲ့ရည် သေဆုံးခဲ့မှုဖြစ်စဉ်အား ဗဟန်းမြို့နယ်၊ နတ်မောက်လမ်း၊ အမှတ်(၁၂၃)ရှိ မြန်မာနိုင်ငံ ဆေးကောင်စီမှ စုံစမ်းစစ်ဆေးရေးအဖွဲ့က ကိုင်တွယ် စစ်ဆေးခဲ့ပြီး (၂ဝဝ၉)ခုနှစ်၊ ဒီဇင်ဘာ(၂)ရက်နေ့စွဲဖြင့် ဆုံးဖြတ်ချက်တစ်ရပ် ချမှတ်ခဲ့ရာ အဓိကတာဝန်ရှိသူ ခွဲစိတ်ဆရာဝန်ကြီးကို ဆေးကုသခွင့်လိုင်စင် (၅)နှစ် ရပ်စဲလိုက်ပြီး ၄င်းပုဂ္ဂလိက အထူးကုဆေးခန်းအား လူနာရှင်များထံ တောင်းပန်ရန်နှင့် ဝန်ဆောင်မှုများနှင့် ပတ်သက်၍ ပြင်းထန်စွာ သတိပေးလိုက်ကြောင်း ယနေ့ ဒီဇင်ဘာ(၃)ရက်၊နံနက်(၉)နာရီတွင် ပြည်တွင်းသတင်း ဂျာနယ်တချို့အား ဆေးကောင်စီ၏ ဆုံးဖြတ်ချက်သတင်း ထုတ်ပြန်ချက်ကို ပေးခဲ့သည်။ ၄င်းသတင်း ထုတ်ပြန်ချက်ထဲမှ သတင်းအချို့အား လျှပ်တစ်ပြက်က မေးမြန်းခဲ့ရာတွင် တစ်စုံတစ်ရာ ပြောပြခွင့်မရှိကြောင်း၊ ၄င်းသတင်းထုတ်ပြန်ချက်ထဲမှ ဆုံးဖြတ်ချက်အတိုင်းသာ လွတ်လပ်စွာ ရေးသားခွင့်ရှိကြောင်း ပြောကြားခဲ့သည်။

အဆိုပါ သတင်းထုတ်ပြန်ချက်အား လူနာရှင်မိသားစု ဘက်သို့လည်း အကြောင်းကြားမည်ဖြစ်ပြီး မည်သည့်အချိန်၌ အကြောင်းကြားမည်ကို ပြောပြခွင့် မရှိကြောင်း ဆေးကောင်စီမှ တာဝန်ရှိသူများက လျှပ်တစ်ပြက် သတင်းဂျာနယ်နှင့်အတူ ပြည်တွင်းမီဒီယာ အချို့အား ပြောကြားခဲ့သည်။ မခိုင်ရွှန်းလဲ့ရည်အား ဆေးကုသပေးခဲ့သည့် အထူးကုဆေးခန်းနှင့် အထူးကုဆရာဝန်ကြီးတို့၏ ဆေးကုသမှုမှတ်တမ်းကို မြန်မာနိုင်ငံ ဆေးကောင်စီအဖွဲ့က နိုဝင်ဘာ (၂၆)ရက်နေ့တွင် စုံစမ်းစစ်ဆေးရေးအဖွဲ့ ဖွဲ့ခဲ့ပြီး ရှေးဦးစုံစမ်းစစ်ဆေးရေး အဖွဲ့အနေဖြင့် နိုဝင်ဘာ(၂၈)ရက်၊ မွန်းလွဲ (၁)နာရီတွင် မခိုင်ရွှန်းလဲ့ရည်၏ မိဘများအား ခေါ်ယူစစ်ဆေး မေးမြန်းခဲ့ကြပြီး ၄င်းနောက် နိုဝင်ဘာ (၂၉)ရက်နေ့တွင် ၄င်းအထူးကုဆေးခန်းမှ တာဝန်ရှိသူများကို ခေါ်ယူစစ်ဆေး မေးမြန်းခဲ့ကြောင်း သိရသည်။ မြန်မာနိုင်ငံဆေးကောင်စီ၏ သတင်းထုတ်ပြန်မှုကို ရန်ကုန်အခြေစိုက် သတင်းဂျာနယ်(၅)စောင်ထံ တရားဝင်ဖြန့်ဝေခဲ့ပြီး မြန်မာနိုင်ငံစာပေနှင့် စာနယ်ဇင်း ဥက္ကဋ္ဌထံသို့လည်း လျှပ်တစ်ပြက် သတင်းဂျာနယ် အယ်ဒီတာချုပ်မှ တစ်ဆင့် ပေးပိုခဲ့ကြောင်း သိရသည်။

လျှက်တစ်ပြက်မှ .... ကူးယူတင်ပြပါသည်။