15.6.2014 - 2:30 PM - သတိပေးချက် - မလေးရှား သတင်း

 

15.6.2014 - 2:30 PM - သတိပေးချက် - မလေးရှား သတင်း အခုလက်ရှိ ကေအယ် မြန်မာဆိုင်တန်းရှိ WIN SIN - HOTEL ရှေ့ ရွှေဆိုင် လမ်းထောင့်တွေမှာ ရဲ ၃ ယောက် ၊ ရေလာ ၂ ယောက် ရှိနေပြီး အဲဒီနေရာ လမ်းက သွားလာတဲ့ လူတွေကို အထောက်အထား စစ်ဆေးနေပါတယ်။ 

ဒီနေ့ တနင်္ဂနွေနေ့ ဖြစ်သောကြောင့် ကေအယ် လူစည်ကားသော နေရာများနှင့် အခြားနေရာများကို သွားလာပါက မိမိတို့ သွားတဲ့ နေရာတစ်ဝိုက်တွင် ရဲများ ရဲမရှိ သေချာကြည့်ပြီး အထောက်အထား မရှိရင် ရှောင်ပြီး သွားလာကြပါ။ 

လူတိုင်းကိုတော့ မစစ်ပါဘူး ... သူတို့စစ်ချင်တဲ့ လူတွေကို ပတ်စပို့ နှင့် အထောက် အထားများကို စစ်ဆေးပါတယ်။ အခုရဲတွေက ရှာစားနေတဲ့ ရဲတွေပါ။ ကြောက်စရာ မလိုပါဘူး။့ ပြစရာ တစ်ခုခု မရှိရင် ၅၀ ၊ သို့မဟုတ် ၁၀၀ ပေးရင် ရပါတယ်။ အရပ်ဝတ်နဲ့ ရဲတွေပဲ နည်းနည်း ကြောက်ရပါတယ်။ 

အရပ်ဝတ်နဲ့ ရဲတွေအဖမ်းခံရရင် မလေးငွေ ၅၀၀ ကနေ ၃၀၀၀ အထိ တောင်းတတ်ပါတယ်။ အဖမ်းခံရသူ မိသားစု သူငယ်ချင်းတွေမှ ဒါဝမ်ကီး ရဲစခန်းမှာ သွားထုပ်ရပါတယ်။ ဒီလို ငွေပေးပြီး ထုပ်တဲ့ အချိ်န်မှာ တစ်ချို့ရဲတွေနဲ့ စကားပြောဆို အဆင်ပြေမယ့် တစ်ချို့ရဲတွေက မိုက်ရိုင်းစွာ ပြောဆိုဆက်ဆံတာကို ခံရပါတယ်။ အဖမ်းခံရသူ မိန်းကလေးဆို ပိုဆိုးပါတယ်။ 

မခံနိုင်တဲ့ စကားတွေနဲ့ ပြောဆိုတာကို ခံရပါတယ်။ ကေအယ်မှာ စနေ့နေ့ ၊ တနင်္ဂနွေနေ့တွေဆို လူစည်ကားတဲ့အတွက် ရဲများ နှင့် လုယက်သူများ ၊ ခါးပိုက်နှိုက် သူများ ၊ လမ်းသွားရင် ဖုန်းတွေကိုပြပြီးဖုန်းရောင်းသူများ နေရာ တော်တော်များများမှာ ရှိပါတယ်။ 

 ကေအယ်တွင် ညပိုင်းအချိန် အပြင်သွားလာခြင်းများကို ရှောင်ကြပါ။ ညပိုင်းအချိန်ဆို ပိုက်ဆံတောင်းတဲ့ ရဲတွေများပါတယ်။ မလေးရှားမှာ အထောက်အထား မရှိရင် လူစည်ကားတဲ့ နေရာ ရဲတွေများတဲ့ နေရာတွေကို ရှောင်ပြီး သွားလာကြပါ။ ရဲဖမ်းခံရရင် ငွေနဲ့ရှင်းလို့ ရပေမယ့် တစ်ချို့ဆို ငွေနဲ့ ရှင်းလို့ မရပဲ ထောင်ထဲ ထည့်ထားတာတွေ ရှိပါတယ်။ 

မိမိတို့ ရှာဖွေထားတဲ့ ပိုက်ဆံတွေဟာ အချိ်န်ခဏလေး အတွင်းမှာ ကုန်သွားနိုင်ပါတယ်။ ဒါကြောင့် အထောက်အထား မရှိသူများ သတိထားနိုင်ရန် အတွက် အသိပေးလိုက်ပါသည်။ မလေးရှားရောက် ရွှေမြန်မာများ အားလုံး ဘေးရန်ကင်းဝေးပြီး အလုပ်အကိုင်များ အဆင်ပြေကြပါစေ။ 

 နေဇော်လင်း 

Nay Zaw Lin1 

Free Online Radio Media (Malaysia) 

Website - www.malaysiaonlineradiomedia.com

 Facebook - https://www.facebook.com/nayzawlin15