မြန်မာနိုင်ငံသားများအား ကာကွယ်စောင့်ရှောက်ပေးရန် ဗိုလ်ချုပ်မှူးကြီး မင်းအောင်လှိုင် ပြောဆို

မလေးရှားရောက် မြန်မာနိုင်ငံသားများအား လူမျိုးဘာသာမခွဲခြားဘဲ ကာကွယ်စောင့်ရှောက်ပေးရန် တပ်မတော်ကာကွယ်ရေးဦးစီးချုပ် ပြောကြား 

မလေးရှားနိုင်ငံရောက် မြန်မာနိုင်ငံသားများကို လူမျိုးဘာသာ မခွဲခြားဘဲ အကာအကွယ်ပေးရန် စောင့်ရှောက်ရန် လိုအပ်ကြောင်းနှင့် နိုင်ငံသားများ၏ လိုအပ်ချက်ကို ကူညီဆောင်ရွက်ပေးရန် လိုအပ်ကြောင်း တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က မလေးရှားနိုင်ငံသို့ ရောက်ရှိစဉ် ပြောကြားခဲ့ကြောင်း အောက်တိုဘာ ၂ ရက် ညပိုင်းက မြန်မာ့ ရုပ်မြင်သံကြားသတင်း ဖော်ပြချက်အရ သိရသည်။ 

မလေးရှားနိုင်ငံဆိုင်ရာ မြန်မာနိုင်ငံ သံရုံးမှ သံရုံးယာယီတာဝန်ခံ သံမှူးကြီး ဦးကျော်စွာ ၊ စစ်သံမှူး ဗိုလ်မှူးချုပ်ဝင်းမောင်တို့ဦး ဆောင်သည့် သံရုံးနှင့် စစ်သံရုံးဝန်ထမ်းများ၊ မိသားစုဝင်များနှင့်တွေ့ဆုံစဉ် တပ်မတော် ကာကွယ်ရေးဦးစီးချုပ်က ယခုကဲ့သို့ မှာကြားခဲ့ခြင်း ဖြစ်သည်။ 

ထို့ပြင် တပ်မတော် ကာကွယ်ရေးဦးစီးချုပ်က ပြည်ပတွင် မြန်မာနိုင်ငံကို ကိုယ်စားပြု၍ တာဝန် ထမ်းဆောင်နေကြသည့် ၀န်ထမ်းများသည် နိုင်ငံအတွက် အရေးကြီးသည့် တာဝန်ကို ထမ်းဆောင်နေကြသူများ ဖြစ်ကြောင်း၊ နိုင်ငံခြားတိုင်းပြည်များနှင့် ဆက်ဆံရာတွင် သံတမန်များ၏ အခန်းကဏ္ဍသည် အရေးကြီးသည့်အတွက် အမှားမရှိအောင် ဂရုစိုက်ကြရန် လိုအပ်ကြောင်းနှင့် တပ်မတော်အနေဖြင့် ဒီမိုကရေစီလမ်းကြောင်းပေါ် လျှောက်လှမ်းရာတွင် မှန်ကန်စွာ ရပ်တည် ဆောင်ရွက်လျှက်ရှိသည်ဟု ပြောကြားခဲ့ကြောင်း သတင်းတွင် ဖော်ပြခဲ့သည်။ 

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် မလေးရှားနိုင်ငံ ဘုရင်ကပေးအပ်သည့် ဘွဲ့တံဆိပ်ရယူရန် စက်တင်ဘာ ၃၀ ရက်က ရောက်ရှိနေခြင်း ဖြစ်ပြီး အောက်တိုဘာ ၂ရက် ညနေပိုင်းတွင် မြန်မာနိုင်ငံသို့ ပြန်လည်ရောက်ရှိခဲ့သည်။ 

Source by :http://news-eleven.com/