ခုတလော တွေ့ရတဲ့ ဟာသပုံတခုမှာတော့ Facebook ဆိုတာ ၀င်ပြီး ပြန်ထွက်လို့မရတဲ့နေရာအဖြစ် ပုံဖော်ထားပါတယ်။
ပြီးခဲ့တဲ့နှစ်မှာ Facebook စွဲသူတွေအတွက် ရောဂါနာမည်တခု ပေါ်လာပါတယ်။ Facebook Addiction Disorder တဲ့။ Facebook ကို အလွန်အကျွံ စွဲစွဲလန်းလန်း အသုံးပြုနေတယ် ဆိုရင် ဒီရောဂါ ရနေပြီပေါ့။ ဆက်တိုက်သုံးနေကြတဲ့အတွက် တချို့ရုံးတွေက လုပ်ငန်းခွင်အတွင်း တားမြစ်ထားတဲ့ထဲမှာ Facebook လည်း ထိပ်ဆုံးက ပါနေတာပေါ့။
အထွေထွေသော သူငယ်ချင်းများနဲ့ ထိတွေ့ဖို့၊ သတင်းအချက်အလက် သိရဖို့ Facebook သုံးနေကြတာပါ။
စွဲလန်းလွန်းတဲ့အတွက် အသုံးလျှော့လိုက်ရင် စိတ်ဓာတ်ကျသလိုလိုဖြစ်၊ စိတ်တိုသလို ဖြစ်လာကြတယ် တဲ့။ မူးယစ်ဆေးစွဲသူတွေ ဆေးလျှော့ ဆေးဖြတ်တဲ့အခါ ဂနာမငြိမ်သလို ထင်ပါရဲ့။
Facebook Addiction Disorder ဖြစ်နေသူတွေဟာ ပြီးခဲ့တဲ့ ၂ နှစ်မှာ အရေအတွက် သန်း ၃၅၀ ရှိတယ် လို့ ဆိုတယ်။ အခုရော ဘယ်လောက် ရှိမလဲ? အရေအတွက် လျှော့လာဖို့တော့ အလားအလာ မရှိပါဘူး။ ဒီအနေအထားကို ကုသဖို့ ဆေးရုံ ဆေးခန်းများလည်း တတ်နိုင်မယ် မထင်ပါဘူး။
အခြေအနေပေး အချိန်ရတဲ့အခါ Facebook စွဲလန်းမှုပြဿနာ ဖြေရှင်းနည်းတချို့ကို ရေးပါအုံးမယ်။ (လောလောဆယ် Facebook သုံးနေရလို့ တခြားအလုပ်တွေ လျှော့လုပ်နေရပါတယ်)
လောလောဆယ်တော့ Facebook စွဲတာဟာ မူးယစ်ဆေးစွဲတာထက်တော့ တော်ပါသေးရဲ့ လို့ ဖြေသိမ့်နေမိပါတယ်။
Source by :http://blog.irrawaddy.org/
.jpg)
0 comments:
Post a Comment