သန္ဓေသားကလေး အလောင်းကို အခြောက်လှမ်း၊ အောက်လမ်းနည်းတွေနဲ့ စီရင်ထားတဲ့ “သားခြောက်” လို့ မြန်မာလို ခေါ်ပြီး ထိုင်းဘာသာစကားနဲ့ဆို “ကုံမာန်ထုန်”လို့ ဆိုတာတွေကို ထိုင်းနိုင်ငံ ဘန်ကောက်မြို့က ရောင်ဝါရတ် ဟော်တယ် တခုမှာ အသက် ၂၈ နှစ်ရှိ ထိုင်ဝမ် နိုင်ငံသား တယောက်ဆီက ဖမ်းဆီးရမိပါတယ်။
မေလ ၁၈ ရက်နေ့က ကလေးသူငယ်နဲ့ အမျိုးသမီးဆိုင်ရာ ကာကွယ်စောင့်ရှောက်ရေး ရဲတပ်ဖွဲ့က အဆိုပါ ထိုင်ဝမ်လူငယ်ဆီကနေ ရွှေချထားတဲ့ မွေးကင်းစ သားခြောက် ၆ ခုနဲ့ အတူဖမ်းမိလိုက်တာဖြစ်ပါတယ်။
ထူးဆန်းတာက ညဖက်တွေမှာ အနီးအနားပတ်ဝန်းကျင်က လူတွေက ကလေးတွေရဲ့ ငိုသံတွေကြားရလို့ သံသယဖြစ်တာ နဲ့ ရဲကို အကြောင်းကြားတယ် တဲ့။ ဒါနဲ့ ရဲတွေက အဲဒီအသံကြားရတယ်ဆိုတဲ့ နေရာကို ၀င်ရှာတယ်။
ကလေး တယောက်တလေမှ မတွေ့ရဘဲ ထိုင်ဝမ် အမျိုးသားကိုပဲ တွေ့ကြတယ်။ သူတို့ ကလေးတွေ ဆိုတာကို ရှာတာ မ တွေ့လို့ ပြန်သွားကြတယ်တဲ့။ ရဲတွေ ပြန်သွားပြီဆိုရင် ခုနက ကလေးငိုသံတွေ ကြားရပြန်ရော တဲ့။
ဒီ သားခြောက်ဆိုတာတွေကို အထူးသဖြင့် အယူသည်းတဲ့ တချို့ တရုတ်လူမျိုးတွေက ဆိုင်တွေ၊ အိမ်တွေနဲ့ သူတို့ လုပ် ငန်းတွေမှာ ထားရင် လာဘ်လာဘ ကောင်းတယ်လို့ ယုံကြည်ကြပါတယ် တဲ့။ အဲဒီလို သားခြောက် ကလေး အလောင်း တခုကို ထိုင်ဝမ်မှာ ရောင်းချရင် ထိုင်းဘတ် ငွေ ၁.၈ သိန်းကနေ ၂ သိန်း နဲ့ အထက် ရတယ်၊ ကြိုက်ဈေးတွေ့ရင် ဒီထက်တောင်ပိုပါသေး တယ် တဲ့။
ထိုင်းနိုင်ငံမှာ ဒီကနေ့ထုတ် ထိုင်း၊ အင်္ဂလိပ် သတင်းစာတွေ အားလုံးက မျက်နှာဖုံးမှာ ဖော်ပြထားကြတဲ့ သတင်းလည်း ဖြစ်ပါတယ်။
Source by :www.irrawaddyblog.com/
.jpg)
0 comments:
Post a Comment