စင်ကာပူက နိုင်ငံခြားသား အလုပ်သမားများကို ကန့်သတ်တင်းကျပ်မည်။

စင်ကာပူ စီးပွားရေး အလျင်အမြန် ပြန်လည်ဦးမော့လာသောကြောင့် အိမ်ခြံမြေဈေးကွက် ဈေးနှုန်းများ မြင့်တက်ခဲ့ပြီး ယခုအခါ ဈေးကွက်ကို ထိန်းချုပ်သွားမည် ဖြစ်ကြောင်း၊ ထို့ပြင် အလုပ်လုပ်ကိုင်သော လူဦးရေ၏ သုံးပုံနှစ်ပုံနီးပါးထိ ရှိလာသော နိုင်ငံခြားသား အလုပ်သမားများကိုလည်း ကန့်သတ်သွားမည် ဖြစ်ကြောင်း ၀န်ကြီးချုပ် လီရှန်လွန်းက သြဂုတ်လ ၃၀ ရက်နေ့တွင် ကြေညာခဲ့သည်။

၂၀၁၀ ပြည့်နှစ်တွင် နိုင်ငံခြားသား အလုပ်သမား ၁၀၀,၀၀၀ လက်ခံမည်ဟု အစောပိုင်းက ခန့်မှန်းထားမှုကို ၈၀,၀၀၀ ခန့်ထိသာ လက်ခံမည်ဟု လီရှန်လွန်းက ပြောကြားခဲ့သည်။ ''ပြီးခဲ့တဲ့ ၅ နှစ်အတွင်းမှာ ကျွန်တော်တို့ အလျင်အမြန်ပဲ ရှေ့ကို ရွေ့လျားနိုင်ပါတယ်။ ဒါပေမယ့် ဒီအရှိန်ကို လျော့ချပြီး ကျစ်လျစ်ခိုင်မာအောင် လုပ်ရမယ့် အချိန်လို့ ထင်ပါတယ်။ တစ်နှစ်လူဦးရေ ၁၀၀,၀၀၀၊ ၁၅၀,၀၀၀ လောက် တိုးနေတဲ့နှုန်းနဲ့ ဆက်သွားလို့ မရနိုင်ပါဘူး''ဟု လီရှန်လွန်းက ပြောကြားခဲ့သည်။

ဈေးနှုန်းများ မြင့်တက်လာပြီး လုပ်အားခ ဖိအား မြင့်တက်လာသော စင်ကာပူတွင် နိုင်ငံခြားသား အလုပ်သမားများ အရေးသည် မကျေနပ်မှုများအား ပိုမိုမြင့်တက်လာစေနေသည်။ နိုင်ငံခြားသား အလုပ်သမားများကို အခြေအနေအရ ထပ်မံ လက်ခံသွားမည် ဖြစ်သော်လည်း အရေအတွက်ကို ကန့်သတ်သွားမည် ဖြစ်ကြောင်း ၀န်ကြီးချုပ်က ပြောကြားခဲ့သည်။ နိုင်ငံခြားသား ကာယအလုပ်သမားများကို ခန့်အပ်ပါက အလုပ်ရှင်များသည် အစိုးရကို လစဉ် အခွန် စင်ကာပူဒေါ်လာ ၃၀၀ (အမေရိကန် ဒေါ်လာ၂၂၂) ခန့်ထိ ပေးရမည်ဟုလည်း လီရှန်လွန်းက ပြောကြားခဲ့သည်။

http://www.news-eleven.com/