ပြစ်မှု မကျူးလွန်ဘဲ ကျူးလွန်ဟု ထွက်ဆိုခဲ့ကြောင်း ပြောကြား

 

လူသတ်မှုကျူးလွန်ကြောင်း စွပ်စွဲချက်ဖြင့် ထိုင်းနိုင်ငံ ကော့စမွီထောင်တွင် အကျဉ်းကျနေသော မြန်မာလုပ်သားနှစ်ဦးနှင့် မြန်မာသံရုံးမှ အထူးကိုယ်စားလှယ်အဖွဲ့တို့ အောက်တိုဘာ ၆ ရက်က တွေ့ဆုံနေစဉ် (ဓာတ်ပုံ − မင်းဦး) 

 ဗြိတိန်စုံတွဲအသတ်ခံရမှုဖြင့် ဖမ်းဆီးခံရသော မြန်မာ လုပ်သားနှစ်ဦးက ထိုင်းရဲတပ်ဖွဲ့နှင့် စကားပြန်တို့၏ ရိုက်နှက် စစ်ဆေးမှုကြောင့် ပြစ်မှုမကျူးလွန်ဘဲ ကျူးလွန်သည်ဟု ထွက်ဆိုရခြင်းဖြစ်ကြောင်း မြန်မာသံရုံးအထူးအဖွဲ့ကို ပြောဆိုလိုက်ပြီး အမှုမှန်ပေါ်ပေါက်ရေး ကူညီပေးရန် မြန်မာအစိုးရအား ကာယကံရှင်နှစ်ဦးက တောင်းဆိုလိုက်ကြောင်း သတင်းရရှိသည်။ 

 အောက်တိုဘာ ၆ ရက်တွင် မြန်မာသံရုံးအထူးအဖွဲ့သည် ဖမ်းဆီးခံမြန်မာလုပ်သားနှစ်ဦး ထားရှိရာ ကော့စမွီထောင်သို့ သွားရောက်၍ တွေ့ဆုံမေးမြန်းရာ ၎င်းတို့နှစ်ဦးက မြန်မာသံရုံးအထူးအဖွဲ့အား ထိုကဲ့သို့ ပြောကြားခဲ့ခြင်းဖြစ်သည်။ ‘‘သူတို့ အဲဒီညမှာ ဂစ်တာ တီးပြီး ဘီယာသောက်နေတယ်ဆိုတာ ၀န်ခံပါတယ်။ အဲဒီအသတ်ခံရတဲ့သူတွေနဲ့ ၂၅ ကိုက်လောက်မှာ ရှိနေတယ်လို့ ပြောတယ်။ သူတို့ လုပ်ပါတယ်လို့ မပြောဘူး။ 

 ထိုင်းရဲဘက်က မြန်မာစကားပြန်တစ်ယောက်က ရိုက်နှက်လို့၊ ရဲတွေက ရိုက်နှက်လို့ ပြောလိုက်တာပါလို့ ပြောတယ်။ နောက်ပြီး နည်းပညာနဲ့ အမှုမှန်ကို ပေါ်ပေါက်အောင် လုပ်ပေးပါလို့ အစိုးရကို အကူအညီတောင်းတယ်။ 

သူတို့ကြည့်ရတာ သနားစရာပါ ပဲ။ ခန္ဓာကိုယ်မှာလည်း ဒဏ်ရာတွေတွေ့တယ်။ ဒီနေ့တွေ့ရှိချက်တွေအားလုံးကို မြန်မာအစိုးရဆီကို ချက်ချင်းအကြောင်းကြားထားပါတယ်’’ ဟု ဖမ်းဆီးခံ မြန်မာလုပ်သားနှစ်ဦးအား စစ်ဆေး မေးမြန်းရန် စေလွှတ် လိုက်သော မြန်မာသံရုံးအထူးအဖွဲ့မှ ရှေ့နေ ဦးအောင်မျိုးသန့်က 7Day Daily အား ပြောကြားသည်။ 

ထိုင်းရဲတပ်ဖွဲ့သည် ပြစ်မှု ကျူးလွန်သည်ဟု ၀န်ခံထားသော သူနှစ်ဦးကို ကော့စမွီထောင်တွင် ထားရှိပြီး ပြစ်မှုကျူးလွန်သည်ဟု ၀န်ခံခြင်းမရှိသည့် မြန်မာလုပ်သားတစ်ဦးကို တည်းခိုခန်းတစ်ခုတွင် ထားရှိကြောင်း ရှေ့နေဦးအောင်မျိုးသန့်က ဆက်လက်ပြောသည်။ 

သို့သော် မြန်မာ့သံရုံးအထူးအဖွဲ့သည် တည်းခိုခန်းတွင် ထားရှိသော မြန်မာလုပ်သားတစ်ဦးနှင့် တွေ့ခွင့်ရရန် ထိုင်းအာဏာပိုင်များအား တောင်းဆိုရာ ထိုင်းအာဏာပိုင်များက တရားလိုပြသက်သေပြရန်အတွက် ထားရှိသောသူဖြစ်သောကြောင့် တွေ့ခွင့်မပေးကြောင်း သတင်းရရှိသည်။ ထို့အတူ မြန်မာသံရုံးအထူးအဖွဲ့သည် အမှုတွဲတစ် ခုလုံးအား စစ်ဆေးရန် တောင်းဆိုရာ တရားခွင်တင်သွင်းခြင်း မရှိသေး၍ ထိုင်းအာဏာပိုင်များက စစ်ဆေးခွင့်မပြုကြောင်း ရှေ့နေဦးအောင်မျိုးသန့်က ပြောသည်။ 

 တရားခံဟု စွပ်စွဲခံထားရသော မြန်မာလုပ်သားနှစ်ဦးက အမှုမှန်ပေါ်ပေါက်ပေးရန် မြန်မာအစိုးရအား အကူအညီ တောင်းလိုက်ခြင်းကြောင့် မြန်မာအစိုးရပိုင်းက မည်သို့ လုပ်ဆောင်သွားမည်ကို သိရှိရန် နိုင်ငံတော်သမ္မတရုံးသို့ အောက်တိုဘာ ၆ ရက် ညနေပိုင်းက ဆက်သွယ်မေးမြန်းရာ ဖြေကြားမှု မရရှိခဲ့ပေ။ ‘‘ဟိုကလေးတစ်ယောက်နဲ့လည်း တွေ့ခွင့်တောင်းတာ ခွင့်မပြုဘူး။ သူက သက်သေပြဖို့ ထားရှိတာလို့ ပြောတယ်။ ဒါပေမဲ့ ကျွန်တော်တို့က မပြန်ပါဘူး။ 

အဲ ဒီကလေးနဲ့ တွေ့ခွင့်ရမှ ဖြစ်မှာပါ။ မြန်မာအစိုးရဘက်ကိုလည်း တွေ့ခွင့်ရအောင် ပြုလုပ်ဖို့အတွက် အကြောင်းကြားထားပါတယ်’’ ဟု ဖမ်းဆီးခံ မြန်မာလုပ်သားသုံးဦး သွားရောက်မေးမြန်း စစ်ဆေးရာတွင် ပါဝင်သည့် ထိုင်း နိုင်ငံရောက် မြန်မာနိုင်ငံသားများ အဖွဲ့ (MAT) အမှုဆောင်ဒါရိုက်တာ ဦးကျော်သောင်းက ပြော သည်။ ဗြိတိန်စုံတွဲ အသတ်ခံရမှုတွင် ထိုင်းရဲတပ်ဖွဲ့က မြန်မာလုပ်သားများအား တရားခံဟု စွပ်စွဲလိုက်ခြင်းကြောင့် ထိုင်းပြည်သူများနှင့် မီဒီယာများက ဝေဖန်မှုများ ထွက်ပေါ်ခဲ့သည်။ 

ထိုင်းအခြေစိုက် Cross Cultural (NGO) အဖွဲ့အစည်းတစ်ခုကလည်း မြန်မာရွှေ့ပြောင်းလုပ်သား သုံးဦးအား တရားခံဟု ထုတ်ပြန်လိုက်ခြင်းနှင့် ပတ်သက်၍ အမှုပြန်လည်စစ်ဆေးရန် ထိုင်းရဲတပ်ဖွဲ့ထံ တောင်းဆိုထားသည်။ ဗြိတိန်စုံတွဲ အသတ်ခံရမှုနှင့်ပတ်သက်၍ ထိုင်းရဲတပ်ဖွဲ့က မြန်မာလုပ်သားသုံးဦးကို အောက် တိုဘာ ၁ ရက်တွင် ဖမ်းဆီးခဲ့သည်။ 

ဖမ်းဆီးခံရသည့် မြန်မာ လုပ်သား သုံးဦးအနက် နှစ်ဦးသည် လူသတ်တရားခံများဖြစ်သည်ဟု ထိုင်းရဲတပ်ဖွဲ့ထံ အောက်တိုဘာ ၂ ရက်တွင် ၀န်ခံခဲ့သည်ဟု ထိုင်းရဲတပ်ဖွဲ့က ထုတ်ပြန်သည်။ ၀န်ခံခဲ့သော မြန်မာလုပ်သားနှစ်ဦးသည် ဗြိတိန်စုံတွဲအသတ်ခံရမှုနှင့်ပတ်သက်၍ ထိုင်းရဲတပ်ဖွဲ့က အခင်းဖြစ်ပွားပြီး နောက်တစ်နေ့ဖြစ်သော စက်တင်ဘာ ၁၆ ရက်တွင် ဖမ်းဆီး၍ စစ်ဆေးမေးမြန်းခဲ့ပြီး တရားခံများမဟုတ်ဟုဆိုကာ ထိုနေ့၌ပင် ပြန်လွှတ်ပေးခဲ့သောသူနှစ်ဦးပင် ဖြစ်သည်။ 

အခင်းဖြစ်ပွားရာ ခိုတောင်ကျွန်းတွင် Full Moon (လပြည့်ည) ပွဲတော် ပြုလုပ်လေ့ရှိရာ ထိုည၌ ဗြိတိန်စုံတွဲ အသတ်ခံရပြီး ကျွန်းတာဝန်ရှိသူများက ပွဲတော်ပြုလုပ်လေ့ရှိသည့် နေရာသို့ ရွှေ့ပြောင်းမြန်မာလုပ်သားများ လာရောက်ခွင့်မရှိကြောင်း ရှေ့နေ ဦးအောင်မျိုးသန့်က ဆိုသည်။ ထိုင်းနိုင်ငံသို့ လာရောက် လည်ပတ်သော အသက် (၂၄) နှစ်အရွယ် ဗြိတိန်နိုင်ငံသား ဒေးဗစ်မီလာနှင့် အသက် (၂၃) နှစ် အရွယ် ဟန်နာယီသာရစ်ခ်ျတို့သည် စက်တင်ဘာ ၁၄ ရက် ညဥ့် သန်းခေါင်တွင် ထိုင်းနိုင်ငံတောင်ပိုင်း၊ ဆူရတ်ဌာနီခရိုင်၊ ခိုတောင်ကျွန်း (လိပ်ကျွန်း) ၌ အသတ်ခံခဲ့ရခြင်းဖြစ်ပြီး စက်တင်ဘာ ၁၅ ရက်တွင် ၎င်းတို့၏ အလောင်းများတွေ့ခဲ့ခြင်းဖြစ်သည်။ 

7daydaily 

http://7daydaily.com/story/22259#.VDPnohYwBTB 

 နေဇော်လင်း 

Free Online Media Malaysia(Radio & Tv Live) 

Free Online Tv Website - www.nayzawlin.com 

Free Media Website - www.malaysiaonlineradiomedia.com 

Free 4D Facebook Page - https://www.facebook.com/nayzawlin18 

Free Health Facebook Page - https://www.facebook.com/nayzawlin4