နိုဝင်ဘာ ၂၃ မြတ်ညို (အလွတ် သတင်းထောက်) မဟာချိုင် ခွန်ခုအရပ်တွင် နေထိုင်သည့် မော်တော် ဆိုင်ကယ် အပို ပစ္စည်း ထုတ်လုပ်သည့် အလုပ်ရုံမှ အလုပ်သမား တစ်ဦး ညဘက် အချိန်ပို ဆင်း၍ အိမ်အပြန် လမ်းတွင် အမည် မသိသူများ ရိုက်နှက်သဖြင့် ယမန်နေ့ က သေဆုံးသွားခဲ့ကြောင်းသိရှိရသည်။
အသက် ၂၃ နှစ်အရွယ် မွန်အမျိုးသား မင်းချမ်းမွန် ဆိုသူသည် ၂၀၁၃ ခု နိုဝင်ဘာ ၂၀ ရက်နေ့ညဥ့် ၁၁ နာရီခန့်က အလုပ်အတူတူ လုပ် သည့် ညီဖြစ်သူ အောင်မြင့်ဦး အား မိဘများ နေအိမ်သို့ ပြန်လည် ပို့ဆောင် ခဲ့ပြီး ပြန်သွားခဲ့စဉ် ရိုက်သတ် ခံခဲ့ရခြင်းဖြစ်သည်။
ဖခင်ဖြစ်သူ ဦးငွေဌေး က“၁၁ နာရီ မိနစ် ၅၀ လောက်မှာ ဆေးရုံ ကဖုန်းလာပါတယ်။ သားစီးသွား တဲ့ ဆိုင်ကယ်က ကျနော်တို့နေတဲ့စွယ် ပါဟမ်းလမ်းထိပ်မှာ လဲနေတဲ့အတိုင်းပါပဲ
ဦးခေါင်း၊လည်ပင်းနဲ့  မျက်နှာ ရောင်ကိုင်းပြီး သတိလုံးဝမရခဲ့ဘူး စီဝိချိုင်၅ ဆေးရုံ မှာပဲ မနေ့က ဆုံးသွားပါတယ်” ဟုပြောသည်။
မင်းချမ်းမွန် တွင် ရန်ငြိုးရန်စမရှိသူဖြစ်ကြောင်း၊ ဇနီး သည်မှာ အဘွားဖြစ်သူ ကွယ်လွန်ခါနီးသဖြင့် ခေတ္တ မြန်မာပြည်ကို အလည် ပြန်သွားကြောင်း၊ ကလေးမရှိကြောင်း၊ မူယစ်ဆေးဝါးသုံးစွဲသည့် ထိုင်း ဆိုးသွမ်းလူငယ်(လမ်းသရဲ)များ အုပ်စုလိုက် အကြောင်းမဲ့ သတ်သွားခြင်းဖြစ်နိုင်ကြောင်း ဖခင်ဖြစ်သူ က ယူဆပြောဆိုသည်။
ကိုမင်းချမ်းမွန် ၏ ကြွင်းကျန် ရုပ်ကလပ်အား ယနေ့ ညနေပိုင်းတွင် မဟာချိုင် မြို့အစွန် ၀ပ်စလီမွန်ဘုန်းတော်ကြီး ကျောင်းတွင် သင်းဂြိုဟ် မည်ဖြစ်သည်။
သတင်းကတော့အခုမှရလို့ ကျွှန်နော်တင်ပေးလိုက်တာပါ ဖြစ်တာကတော့ နည်းနည်းလောက်ကျော်လွန်းခဲပြီးဖြစ်ကြောင်းသိရပါတယ် ထိုင်းနိုင်ငံမှာ ကျွှန်နော်တို့ မြန်မာတွေပာာဒီလိုပဲ မကြာကြာအသတ်ခံရတာ များနေပါပြီ အဲ့ဒီလိုပါပဲ ဘယ်လိုပဲတရားဝင်လုပ်စားနေကြပါစေ။
သူတို့ နိုင်ငံမှာအခုလို့ အသတ်ခံရတော့လဲ ကျွှန်နော်တို့ မြန်မာတွေက ဘယ်လိုလုပ်တရားသွားစွဲမလဲဗျာအရမ်းကိုရင်နာစရာလဲကောင်း အဲ့လိုပြောရင် ဘာလိုသူများနိုင်ငံသွားလုပ်တာလဲလို့ ပြန်မေးမှာပဲ ဒီစကားကိုကျွန်နော်က ပြန်ပြောရမယ်ဆိုရင်တော့ အားလုံးသိပြီးသားပဲဗျာ။
ဘာကြောင့်သူများနိုင်ငံရောက်နေတယ်ဆိုတာကိုပေါ့။ ရင်နာတယ်ဗျာ ကျွှန်နော်တို့ မြန်မာပြည့်သားတွေအတွက်
.jpg)
.jpg)
0 comments:
Post a Comment