မလေးရှားကို လာမယ်ဆိုရင် ဒီစာလေးကို အရင်ဖတ်ပေးပါ

ဟိုးအရင် . . . ကျနော့် မလေးရှားမှာ ရှိနေစဉ်တုန်းကပေါ့။ သူငယ်ချင်းတွေ ၊ အသိတွေ ၊ မသိတွေ ၊ အွန်လိုင်းကနေ မေးမြန်းသူတွေ . . . မေးကြပါတယ်။ 

မလေးရှားကို လာချင်လို့ ဘာတွေ လိုမလဲ ဘာညာပေါ့။ ကျနော် မေးလိုက်ပါတယ်။ ဘယ်လောက် စိတ်ရှိ လက်ရှိ လုပ်မယ် ဆိုတဲ့ စိတ်ရှိလဲ ၊ မလေးရှားကို ဘယ်လောက်ထိ မျှော်လင့်ထားလဲပေါ့လေ။ သူတို့ဆီက အဖြေကို ရတော့ ကျနော် ပြောမိတယ်။ မလာပါနဲ့ဗျာ။ ဟိုမှာပဲ လုပ်စားပါလို့။ 

ဒီတော့ ကျနော့်ကို ရှေ့တင်မှာရော ကွယ်ရာမှာပါ ပြောကြတယ်။ " သူက ကျတော့ စားနေပြီးတော့ သူများတွေ အဆင်ပြေမှာကို မနာလိုလို့ " တဲ့။ " သူကျတော့ ရောက်နေပြီးတော့ သူများတွေ လာမှာ သူ့ဆီက ပေးရလို့လား " တဲ့။ " ပင်လယ်ရေ တစ်ယောက်ထဲ သောက်ချင်နေတာလား " တဲ့ ဒီ့နောက်မှာတော့ ကျနော် ဘာမှ ပြန်မပြောဖြစ်တော့ပါ။ စိုးရိမ်တတ်သော ကျနော် ၊ ဖေးမချင်မိသော ကျနော့်ကို ပြောင်းလဲ ပေးလိုက်ကြတယ်။ ဒီနောက်မှာတော့ " ကိုယ့်ဖာသာ ရပ်တည်နိုင်အောင် ကြိုးစားချင်စိတ် ရှိရင် လာပေါ့လေ " လို့သာ ကျနော် ပြောဖြစ်ခဲ့တော့တယ်။ 

သူတို့ဖာသာ ရောက်လာပြီး လုပ်ကြည့်ရင် သိလိမ့်မပေါ့။ ဒါပါပဲ။ ဒီမှာ ဘာဖြစ်နေတယ် ဆိုတာ ဒီက လူတွေက ပိုသိနေနိုင်သလို . . . . ဟိုမှာ ဘာဖြစ်နေတယ် ဆိုတာကိုလည်း ဟိုက လူတွေက ပိုသိနေနိုင်တာပေါ့။ စိတ်ကူးနဲ့ ပုံဖော် အလုပ်လုပ်တယ် ဆိုတာ တခြားသော နိုင်ငံတွေမှာ ဖြစ်နိုင်ပေမယ့် ကျနော်တို့ နိုင်ငံမှာတော့ အတော် ဝေးသေးတယ်။ 

ဒီလို စိတ်ကူးထားပေမယ့်လည်း ဥပဒေက ပြောင်းသွားတာ ၊ ပေါ်လစီက ပြောင်းသွားတာ ၊ လုပ်ကွက်က ပြောင်းသွားတာ ၊ ဒါတွေကြောင့် စိတ်ကူးတွေ အရူး ချီးပန်း ဖြစ်သွားမှာ သေချာပါတယ်။ မြန်မာနိုင်ငံမှာ အလုပ်လုပ်မယ် ဆိုရင် သူများတွေ ပြောတဲ့ တက်ပေါင်းများစွာ ဆောင်ထားဖို့တော့ လိုတယ်။ 

Lကွေ့ ၊ မြွေလိမ် မြွေကောက်ကွေ့ ၊ တစ်ဆစ်ချိုးကွေ့ ၊ ဂငယ်ကွေ့ . . . အစရှိသဖြင့် အကွေ့တွေက များလွန်းလှတယ် မဟုတ်ပါလား။ တက်တွေ ရှိရုံနဲ့တောင်မှ မရပါဘူး။ လှော်မယ် ဆိုတဲ့ အင်အားကလည်း ရှိဖို့ လိုပါသေးတယ်။ မဟုတ်ရင် တက်ကြီး မပြပြနဲ့ နောက်မှာ ကျန်နေခဲ့ရမယ့် အဖြစ်ပါ။ 

လေးစားစွာဖြင့်
ကိုဇော်

Source by :https://www.facebook.com/zaw357 မှပြန်လည် မျှဝေပါသည်။